Aqmescitte işğalciler general Petro Ğrığorenko eykelini keçirdiler

27 Mayıs 2024

Rusiye akimiyeti, qırımtatarlarğa qol tutqan ve şura akimiyeti tarafından olarnıñ sürgünligine qarşı çıqqan general-muhalif Petro Ğrığorenko eykelini keçirdiler.

Qırımtatar Milliy Meclisiniñ başınıñ muavini İlmi Umerov «Suspilne Qırım»ğa eykelniñ keçirilmesi aqqında haber berdi.

Qırımtatar Milliy Meclisiniñ teşebbüsinen ve Ukraina Milliy Areketiniñ yardımınen 1999 senesi Aqmescit şeeriniñ Sovetskaya meydanına eykel qoyuldı.

“Mayıs ayınıñ 18. kününden evel onı keçirgenler. O, pek rağbetli olmağa bir yerde edi ve adamlar buña diqqat etmegen ola bilirler. Belki de anda er kes, bu “akimiyet”ten o qadar qorqa eki, adamlar bir şey bile aytmağa qorqalar”, – Meclisniñ başınıñ muavini qayd etti.