Aqmescit yolbaşçıları şeerniñ merkeziy meydanını paytaht sakinleri ve musafirleriniñ istraat yerine çevirir

24 Fevral 2014

Qarasuvbazar rayonı Zuya qasabasında olıp keçken adise – fevral 24 gecesi Lenin eykeliniñ yıqtırılması munasebeti ile izaat berirken, Meclis reisi fevral 23-te Noman Çelebicihan hatırasına bağışlanğan mitingde seslendirilgen fikirni hatırlattı.

“Biz şu yaqın on kün içinde akimiyet idare organlarınıñ kendileri bir çoq insanlar keskin şekilde yapmağa tırışqan işni nasıl şekilde yapacaqlarını özleri çezmek kerekler, degen fikirdemiz, – dedi R. Çubarov 2014 senesi fevral 24-te matbuat konferentsiyasında Ve daa bir kere şunı qayd etti ki, Bütünqırım mitinginiñ teşkilâtçıları Merkeziy meydanda Lenin eykeliniñ yıqtırılmasını toqtatmaq içün çoq küç sarf ettiler. Çubarovnıñ sözlerine köre Aqmescit şeer şurası paytahtnıñ baş merkezini Lenin eykelinden boşatmaq usullları aqqında özü qarar almalıdır.

“Zanımca, Aqmescitte bunıñ kibi eykeller ve umumen keçken devirge ait şeylerniñ müzeyini açmaq kerek, – dedi Meclis reisi. Onıñ fikrince şeer yolbaşçıları merkeziy meydannıñ rekonstruktsiyası boyunca doğru qarar alır ve şeerniñ merkeziy şeher sakinleri ve musafirleriniñ istraat yeri olur.