Aqmescit şeerinde yañı bir taqiqatçı izolâtsıyası açıldı

27 Oktâbr 2022

Foto: Qırım.Aqiqat

Aqmescit şeerinde işğalciler yañı bir taqiqatçı izolâtorını (Tİ) açtılar. QırımSOS İdaresiniñ başı Oleksiy Tilnenko bu aqqında haber berdi.

– Aqmescit şeerindeki 1. tüzetüv müstemlekesiniñ toprağında yañı Tİ açıldı. Anda 300den ziyade kişi buluna bilir. Bu sayı, 1. Tİniñ sayısından deyerli eki qat büyüktir, – dep Oleksiy Tilnenko añlattı.

Haber berildi ki, 747 kişini yerleştire bilgen bu taqiqatçı izolâtorı şu anda tamamınen toludır. Bazı vaqıtlarda 1. Tİndeki tutulğanlarnıñ sayısı deyerli eki qat yüksek edi. Uzun vaqıt devamında işğal etilgen yarımadanıñ toprağında tek taqiqatçı izolâtorı edi.

– Daa bir taqiqat izolâtorınıñ açılması bunı köstere bilir ki, şimdi tutulğan çoq Ukraina vatandaşı “yañı işğal etilgen” topraqlardan Qırımğa ketirileler. Faqat Qırımda insanlar tutulmağa devam eteler ve bunıñ içün işğal akimiyeti bu tür yañı müessiselerni açmağa qarar berdi, – dep Tilnenko qoştı.