Aqmescit rayonındaki Pervomayskoye köyüniñ merkeziy soqağında vandallıq

31 October 2012

2012 senesi oktâbr 30 künü Aqmescit rayonındaki Pervomayskoye köyüniñ merkeziy soqağında yolda qara boyanen Qırımda yaşağan halqnı aqaretleyici provokatsion yazı yazılğan.

Bu aqta Pervomayskoye köy meclisiniñ azaları haber ettiler. Yerli meclis vekilleri qabaatlılarnı tapmaq talabı ile içki işler organlarına ve köy reisine muracaatta bulundılar.

Oktâbr 31 künü saat 10-da Pervomayskoye köy şurasınıñ idaresinde meclis azaları ve qartlarnıñ köy reisinen olğan körüşüvinde yerli nezaretçi ve Ukraina Telükesizlik hızmeti rayon bölüginiñ hadimleri de iştirak ettiler.

Köy şurasınıñ reisi yüz bergen bu iş içün afu soradı. Uquqqoruv organlarınıñ hadimleri ise adise boyunca taqiqat alıp barılacağında işandırdılar.