Aqmescit rayonında işğalciler blok noqtalarını qoyıp vesiqalarnı teşkermege başladılar – Çubarov

24 Iyün 2023

Aqmescit şeeri yanında bulunğan qırımtatarlarnıñ kompaktlı yaşağanları Vasiyet adlı meskün yerde rus işğalcileri, blok noqtaları ve silânen politsiyacılarnı qoydılar: meskün yerde ketken er kesniñ vesiqalarını teşkermeleri içün. Aynı zamanda Aqmescitniñ başqa yerlerinde bu tür blok noqtaları ve teşkerüvlerr körünmez. Meclisniñ başı Refat Çubarov bunı bildirdi.

– ruslarnıñ işğal etkeni Qırımda yaşağan er keske bir ricam bar: işğalcilerniñ bütün şübeli areketlerini nezaret etiñiz. Sizni raatsız etken işğalcilerniñ areketleri aqqında malümat yayınlañız. Qorqsañız, inanğanıñız insanlarnen bu malümatnen paylaşıñız ve olarnı Qırımtatar Milliy Meclisine haber bermege rica etiñiz, – dep Refat Çubarov qayd etti.