“Apostrof” içün Mustafa Cemilevniñ intervyusı

14 Avgust 2024

“Apostrof” Ukrainanıñ cemaat ve siyaset erbabı, Ukraina Qaramanı Mustafa Cemilevnen ne vaqıt ve ne vastanen Qırım rus işğalinden Ukrainağa qaytacağı, işğalli rus ordusınıñ erkânında ne qadar çoq qırımtatar ölgeni, Lehistan ve Türkiyenen munasebetleri aqqında laf etti.

– Birazdan evel siz ayttıñız ki, 2024 senesi Qırım işğalden azat etilicegine ümüt etmekniñ sebepleri bar. Birinciden köpürni yoq eterler, bundan soñ rus askerlerini teslim olmağa mecbur eterler. Alâ daamı böyle tüşünesiñiz?

– Qırım sakinlerine Yañı yıl munasebetinen yapqanım muracaatımda, bu sene işğalniñ soñki senesi ola bilecegine ümüt etmek içün ciddiy sebepler bar olğanını ayttım ve Rusiye vatandaşlarına, işğalli akimiyetniñ hadimlerine, em de duşmannen işdeşlik yapqanlar, çaqıcılar ve seksotlarğa alâ daa çalışqan Keriç köpründen faydalanıp, adanı terk etmege teklif ettim.

Amma o vaqıt, bizim esas strategik ittifaqdaşımız memleketimizge arbiy-iqtisadiy yardımnı yarım seneden çoq keçiktirecegini tasavur etip olamay edim. Bu, bizim içün pek çoq insan ve atta endi qaytarılğan bir qaç köyniñ ğayıp olmasınıñ sebebi oldı.

Onıñ içün Qırımnıñ azat etilüvine dair bazı deñişmeler kirsetilmek kerek olacaq. Amma Qırımnıñ azat etilecegi şübesizdir. Çünki er kes, atta Putin, cenkniñ bitmesini istey, ve bunıñ olmadan cenkniñ bitmesi imkânsızdır.

 Bağlantığa basıp, bütün intervyüniñ metnini oqup olasıñız.

_{Müellif Dmıtro Malışko}