Amerikanıñ Ukrainadaki elçiliginiñ hadimleri Kiyev şeeri ve vilâyetinde 6 çağırılış Qurultay delegatlarını saylavnı közetecekler

15 May 2013

2013 senesi mayıs 15-te Kiyev şeeri ve Kiyev vilâyetinde cemi saylav dairelerinde reyler berilecek. Merkeziy saylav komissiyasınıñ başı Zair Smedlâyev bildirgenine köre Merkeziy saylav komissiyasına Amerika elçiligi hadimlerinden Kiyev şeeri ve vilâyetinde 6 çağırılış Qurultayğa delegatlarını saylavda nezaretçi sıfatında iştirak etmek aqqında ariza tüşken.

Zair Smedlâyev ve Amerika elçiligi siyasiy bölüginiñ adimi Stiven Peyc arasında elde etilgen añlaşma boyunca saylavda iştirak etmek aqqında ariza yazılghanınen diplomatlar öz vazifelerini becerip başlarlar.

“Biz saylavlarda nezaretçilerniñ işine yüksek qıymet kesemiz, çünki olar olabilecek yañlışlardan qorçalaylar, – dedi Merkeziy saylav komissiyasınıñ reisi Zair Smedlâyev. – Halqara nezaretçiler milliy qurultay delegatlarını saylavğa professional yardım köstereler”, dedi Zair Smedlâyev.