Ahtem Çiygözniñ taqiplerine ait olğan makemeci 12 senege maküm etildi

11 Aprel 2023

Muhtariyetniñ prokurorlığını halq ögündeki qabaatlav sebebinden Qırımdaki daa bir “makemeci” 12 senege maküm etildi. Devlet hainligi (Ukraina CQniñ 111. maddesiniñ 1. qısmı) sebebinden onı qabaatlı olaraq tanıdılar.

Facebook saifesinde Qırım MCniñ ve Aqyar şeeriniñ Prokurorlığınıñ matbuat hızmeti bu aqqında haber berdi.

– Prokurorlar delil ettiler ki, rus silâlı quvetleri yarımadanı işğal etken soñ maküm etilgen adam, ukrain halqına sadıqlıq antını hainlik yaptı ve qanunsız olaraq teşkil etilgen “Qırım Cumhuriyetiniñ Aqmescit şeerindeki Kıyiv rayon makemesi”niñ başınıñ muavini vazifesinde çalışmağa başldı, – dep prokurorlıq qayd etti.

O, 2014 senesi kiçik aynıñ 26-sındaki Qırım Yuqarı Şurası yanında Ukrainanıñ topraq bütünligini destek etici mitingniñ iştirakçileriniñ qanunsız cinaiy taqiplerine bağlıdır.

– 2015 senesi mezkür makemeci, Qırımtatar Milliy Meclisiniñ başınıñ muavini Ahtem Çiygözniñ tevqif müddetini uzatuv aqqında qanunsız qarar berdi, – haber berildi.

Bundan soñ rus repressiya sisteması onı 8 senege qanunsız olaraq maküm etti, – prokororlıqnıñ bildirüvlerinde bildirildi.

Öz areketleri ve qararlarınen işğal makemecisi, rusiyeniñ Qırımda qanunsız olaraq teşkil etilgen makeme organları ve akimiyetine, ecnebiy ülkeniñ vekillerine Ukrainağa qarşı bozucı faaliyet etmege yardımcı oldı.