«Adalet» qırımtatar milliy partiyası VI qurultayınıñ qararı

28 January 2013

“Adalet” qırımtatar milliy partiyası VI qurultayınıñ
QARARI

2013 senesi yanvar 26                                                                                  Aqmescit ş.

Qırımtatar halqı VI çağırılış qurultayına delegatlarnı saylavnen bağlı vaziyetni, “Adalet” qırımtatar milliy partiyasınıñ bugünki vazifelerini muzakere eterek, Qırımtatar halqı qurultayına delegatlarnı saylav Nizamınıñ 1.3 ve 11.1 maddelerine binaen

“Adalet” qırımtatar milliy partiyasınıñ VI qurultayı
Qarar bere:

1. Qırımtatar halqı VI çağırılış qurultayına delegatlarnı saylavda faal iştirak etmek;

2. “Adalet” qırımtatar milliy partiyasınıñ saylavaldı programmasını tasdiqlamaq;

3. Partiyanıñ merkeziy şurası, rayon ve şeer şuralarına 2013 senesi fevral 11-ge qadar Qırımtatar halqı VI çağırılış qurultayına delegatlarnı saylav boyunca merkeziy ve regional saylavaldı ştablarnı meydanğa ketirmek;

4. Qırımtatar halqı VI çağırılış qurultayına “Adalet” qırımtatar milliy partiyasından yekâne çoqmandatlı saylav dairesinden delegatlar cedvelini maqullemek ve “Adalet” milliy partiyasınıñ reisi F. Qubedinovğa muzakere neticesinde bildirilgen fikirler esapqa alıp, onı Merkeziy saylav komissiyasına bermekni avale etmek;

5. Rayon ve şeer ştablarınen kelişken soñ merkeziy saylav ştabına 2013 senesi fevral 15-ge qadar Qırımtatar halqı VI çağırılış qurultayına “Adalet” qırımtatar milliy partiyasından bir mandatlı ve çoqmandatlı majoritar saylav dairelerinden delegatlıqqa namzetlerni belgilemek vazifesini bermek;

6. Qırımtatar halqı VI çağırılış qurultayına delegatlarnı saylav boyunca “Adalet” qırımtatar milliy partiyasınıñ Merkeziy saylav ştabına aşağıdaki işlerni avale etmek;

– partiyanıñ umumprogramm saylavaldı faaliyetine dair teşviqat malzemelerini azırlamaq ve tarqatmaq;

– majoritar saylav dairelerinden namzetlerini köstergenlerge şahsiy teşviqat malzemelerini azırlav ve tarqatuvda yardım bermek;

– rayon ve şeer ştablarınen añlaşıp saylavcılarnen körüşüv cedvelini işlemek ve tasdiqlamaq;

7. Rayon ve şeer ştablarına “Adalet” partiyasınıñ vekillerini daire ve uçastka saylav komissiyalarına aza olaraq yollamaq, bunıñ kibi de “Adalet” partiyasından kösterilgen nezaretçi ve saylav komissiya azalarınıñ cedvelini belgilemek avale etile.

8. İşbu Qararnıñ edasını nezaret etmek “Adalet” qırımtatar milliy partiyasınıñ reisi F. Qubedinovğa avale etile.

“Adalet” qırımtatar milliy partiyası iş Prezidiumınıñ azaları:
 

Fevzi QUBEDİNOV

Remzi İLYASOV
 

Cemil DENİŞAYEV