Abdureşit Cepparnı 12 künge tevqif ettiler

26 Aprel 2023

Qırımda Qarasuvbazar rayon işğal merkezi, keçenlerde tutulğan qırımtatar uquq qorçalayıcısı Abdureşit Cepparnı 12 künge “politsiyanı riayet etkeni içün” epis ettiler. Qırım.Aqiqat bunı yazdı.

RF memuriy qanun bozmalar kodeksiniñ 19.3 maddesine (içeri işler organlarınıñ işçileriniñ qanuniy emirleri ya da talaplarını riayet etmeme) mücibi Cepparnı epis ettiler.

“Gratı” ukrain neşri yazdı ki, advokat Edem Semedlayev Aqmescitteki politsiya rayon bölüginiñ izolâtorında Cepparnı ziyaret etken soñ onıñ tevqifi belli oldı.

Ögenildi ki, Qarasuvbazar rayon makemesi tünevin Cepparovnıñ evini politsiyacılar tintken soñ qarar berdi. Bütün kün boyunca aqrabaları ve advokatkları onı tapmağa tırışa ediler. Belli oldı ki, Ceppar em Aqmescitteki TFHniñ idaresinde, em de politsiyada buluna edi. Kompyuterni almalarına qarşılıq yapqanı içün anda oña qarşı memuriy protokolı yazıldı. Makemede Ceppar bunı red etti.

Saba maalinde tahminen saat 7`de Cepparnıñ evi tindildi. O zaman evinde apayı ve 14 yaşındaki qızı buluna ediler. Er kesniñ telefonını alıp, advokatnı çağırmağa izin bermediler. evini tintken soñ rus quvetçileri, qırımtatar içtimaiy faalcisini tuttılar.