67 qırım siyasiy mabüsi acele tibbiy yardımğa muhtac — ZMINA

20 Noyabr 2024

Rusiye tarafından maküm etilgen 67 qırım siyasiy mabüsi acele tibbiy yardımğa muhtac. Bu, Qırım toprağında uydurılğan cinaiy davalar boyunca qanunsız apiste tutulğan Ukraina vatandaşlarına ve ceza çekmek içün Rusiye toprağıa qanunsız sürgün etilgenlerge aittir.

ZMINA İnsan aqları merkezi bunı bildirdi.

— Siyasiy mabüslerniñ apishanelerde rastkelgen esas meselesi — olarğa tibbiy yardım köstermege muntazam red etilmesidir, hususan saqatlarğa, esli-başlılarğa, hronik hastalıqları olğanlarğa, ya da azap çekken ve yaramay şarait sebebinden ağır hastalıqlarğa oğrağanlarğa. Tedqiqat, umumen alğanda, Rusiye Federatsiyasınıñ apishaneler sisteması ukrain siyasiy mabüsleriniñ kerekli tibbiy yarımını temin etip olamağanını, ya da bu ihtiyacnı körmemezlikke urğanını kösterdi, — dep qayd ettiler uquq qorçalayıcılar.

ZMINA, umumiy vaziyetniñ fenalaşqanını da bildirdi: tibbiy yardımğa muhtac olğanlarnıñ sayısı arttı, bazı siyasiy mabüsler kritik vaziyette bulunalar. Bu, Tofik Abdulgaziyev, İrına Danılovıç, Oleksandr Sizikov ve Amet Süleymanov kibi siyasiy mabüslerge aittir. Tek soñki ay içinde hasta qırım siyasiy mabüsleriniñ cedveline eki ad qoşuldı — Ruslan Abdurahmanov ve Rustem Gügürik. Umumen alğanda, 67 insan qayd etildi — bu, keçken senelik cedvelge köre, 22 insanğa çoqtır.