6-ncı çağırılış Qurultay delegatlığına Bağçasaray ş. çoqmandatlı majoritar dairesinden namzetler saylavlarda resmiy iştirak etmek içün şeadetnamelerini aldılar

23 March 2013

Mart 23-te Bağçasaray № 02 saylav dairesiniñ komissiyası 6-ncı çağırılış Qurultay delegatlığına Bağçasaray ş. çoqmandatlı majoritar dairesinden 10 namzetke şeadetnamelerni berdi

Bu aqta 6-ncı çağırılış Qurultay delegatlarını saylav boyunca Merkeziy saylav komissiyasınıñ matbuat hızmeti bildirdi.

Toplaşuv protokolına köre Bağçasaray daire saylav komissiyası №02 “Çoqmandatlı saylav dairesinde delegatlıqqa namzetlerni cedvelge aluv” qararını qabul etti ve Qurultay delegatlığına aşağıdaki namzetlerni cedvelge aldı:

1. Mustafa Cemilev – Qırımtatar halqı Meclisiniñ reisi, Ukraina halq deputatı

2. Seytosan Soliyev – Qırımtatar halqı 5 çağırılış Qurultayınıñ delegatı, Bağçasaray rayon şurasınıñ deputatı

3. Asan Abduramanov – Qırımtatar halqı 5 çağırılış Qurultayınıñ delegatı

4. Mustafa Mustafayev – Bağçasaray şeer şurasınıñ deputatı

5. Edem Dudakov – Qırımtatar halqı 5 çağırılış Qurultayınıñ delegatı, Milletler komitetiniñ sabıq reisi.

6. Enver Ümerov – Qırımtatar halqı 5 çağırılış Qurultayınıñ delegatı , Bağçasaray şeer şurasınıñ deputatı

7. Marlen Bilâl – Bağçasaray şeer şurasınıñ deputatı, Bağçasaray şeerindeki stomatologiya poliklinikasınıñ müdiri

8. Ervin İbragimov – Bağçasaray şeer şurasınıñ deputatı , Bağçasaray rayon devlet memuriyeti agrar-sanayı inkişaf idaresi finans-iqtisadiy bölüginiñ baş mütehassısı

9. Ernes Mustafayev – Qırımtatar halqı 5 çağırılış Qurultayınıñ delegatı , Bağçasaray şeer şurasınıñ deputatı

10. Asan Çaruhov –”Yaşlar Şurası” teşkilâtınıñ azası, ortoped-travmatolog


Qurultay delegatlarını saylav boyunca №02 Bağçasaray daire saylav komissiyasınıñ reisi Hatice Suleymanova Qurultay delegatlığına namzetlerge Bağçasaray regionında Qurultay delegatlarını saylavlarını azırlav ve teşkil etüv boyunca tedbirlerniñ taqvimiy planına köre saylavaldı kampaniya namzet cedvelge alınğan künden başlap saylavlarğa 24 saat qalğanda yekünlengenini bildirdi.

Daire saylav komissiyasınıñ reisi namzetlerge şunı da hatırlattı ki, “Qurultay delegatlarını saylav nizamı” boyunca er bir insan öz namzetini saylavlarğa 30 künden ziyade vaqıt qalğanda tizilgen uçastka saylav komissiyasına kirmek aqqına nail. Bağçasaray regional meclis reisi Ahtem Çiygoz qurultay delegatlığına namzetlerge hıtap etip, olarğa faal ve mahsuldar çalışmaqnı tiledi ve aprel 27 künü Bağçasaray №02 daire saylav komissiyasınıñ alanında 5 saylav uçastkası çalışıp, saylavcılar saba saat 8-den aqşam saat 8-ge qadar saylayabilirler.

Öz nevbetinde Meclis reisi Mustafa Cemilev qurultay delegatlarını saylavlarnı şu saylavlarğa rz temsilcilerini yollamağa razılıq bergen çeşit halqara teşkilâtlarnıñ vekilleri közeteyeceklerini ayttı.

Merkeziy saylav komissiyası şunıñ kibi de daire saylav komissiyalarına Qurultay delegatlığına namzetlerge şeadetnameler berilgen kün aqqında haber etmek ricasında buluna ki, malümat cemaatçılıq ve kütleviy matbuat vastalarına da yetkizilsin