21 qırımtatar siyasiy mebüsiniñ acele yardımğa ihtiyacı bar

14 Avgust 2023

Rusiye ve vaqtınca işğal etilgen Qırımdaki apishanede bulunğan ve hronik hastalıqlarğa saip, saqatlı ua da qart olğan 21 qırımtatar siyasiy mabüsiniñ acele yardımğa ihtiyacı bar.

Ukrinformda “Esirlikte yavaş ölüm: Rusiyeniñ tedaviylemegeni Kreml esirleriniñ cedvelini taqdim etüv” matbuat konferentsiyası vaqtında ZMINA insan aqları merkeziniñ leyhalarınıñ idarecisi Viktoriya Nesterenko bunı bildirdi.

“Biz ortaqlarımıznen beraber Rusiye ve Qırımdaki müstemlekelerde ve SİZOda azap çekken tevqif etilgen ukrainalılar aqqında malümat topladıq. Apishanelerde bulunğanda tibbiy yardımsız qalğan 45 insandan ibaret olğan cedvelni tizdik. Bugün taqdim etkenimiz daa bir cedvel, 21 insandan ibarettir – olar, acele yardımğa ihtiyac duyğan insanlardır. Bu insanlarnıñ ayatları telüke astındadır”, – dep ayttı o.

Nesterenko qoştı ki, işğal etilgen Qırımda ve RF topraqlarındaki çoq esirge, acele ihtiyacına baqmadan hastahanege alıp ketirmege red ettiler, olarğa penetentsiar sisteması müessiselerinde kerekli tibbiy yardım bermeyler, ekimlerge ketmege izin bermeyler, memuriyetleri ise tibbiy baqıluvdaki ricalarğa cevap bermeyler ve siyasiy mabüslerniñ tibbiy yardımnıñ mevcut olmamasına dair şikâyetlerini körmemezlikke uralar. Ve bu, ayatqa tüzetilmez zarar ketire ve ayat içün telüke ola, dep qayd etti o.