2014 cenesi mart 13 künü Aqmescitte Meclis reisi Refat Çubarov Avropa Birligi azaları olğan devletlerniñ elçileri ile körüşti

13 Mart 2014

2014 cenesi mart 13 künü Aqmescitte Meclis reisi Refat Çubarov Avropa Birligi azaları olğan devletlerniñ elçileri – Litvaniyanıñ Ukrainadaki Elçisi Pâtras Vaytekunas, Frantsiyanıñ elçisi Alen Remi, Şvetsiyanıñ elçisi Anreas fon Bekerat ve OSCE reisiniñ devamlı davalar boyunca mahsus temsilcisi Gedrüs Çekuolis ile körüşti.

Taraflar Qırımdaki soñki vaqialarnen bağlı meselelerni muzakere ettiler

Refat Çubarov qayd etti ki, Qırımtatar halqınıñ Meclisi Qırımda yaşağan insanlarnıñ telükesizligini teminlemek içün er şeyni yapa.

Frantsiya, Litvaniya, Şvetsiya ve OSCE elçileri Qırım ve Qırım etrafındaki inqiraznıñ çezimi içün halqara teşkilât ve devletleriniñ ükümetleri ellerinden kelgenini yapacaqlarını işandırdılar.