2013 senesi mayıs 11 künü er yılı keçirilgen «Çatırdağğa köterilüv» aktsiyası olacaq

07 May 2013

2013 senesi mayıs 11 künü soyqırım qurbanlarınıñ hatırasını añma matem tedbirleri çerçivesinde “Çatırdağğa köterilüv” aktsiyası olacaq.

Qırım gençleri Qırımnıñ eñ yüksek dağlarınıñ birisine köterilip qırımtatar milliy bayrağını tiklep, milliy gimni yırlaycaq ve sürgünlikte ölgenlerniñ ruhuna dua oquycaqlar. Tedbirniñ teşkilâtçıları Qırımtatar halqınıñ Meclisi, Bütündünya qırımtatarlar kongressi, Küreş federatsiyası ve bunıñ kibi de Qırımnıñ cemaat ve gençler teşkilâtlarıdır.

Şunı da qayd etmeli ki, “Çatırdağğa köterilüv” aktsiyası Qırım gençleri 2010 senesinden başlap keçirgen ananeviy tedbir olıp, onda 1944 senesi soyqırım qurbanlarınıñ hatırasını añmaq içün yarımadanıñ er yerlerinden gençler iştirak eteler. Tedbirde qararnen 2000-3000 adam iştirak etmesi beklenile.

Aktsiya iştirakçileri mayıs 11, cumaertesi kun. Saat 8.30-da Anğara keçitinde toplanıp, seferge saat 9-da çıqacaqlar.

Aktsiyanıñ koordinatorı: Asan EGİZOV – tel.: +38 063 261 48 70;   asan.egiz@gmail.com