2011 senesi Dünya Nobel mukâfatına namzeti qoyulacaq Mustafa Cemilevge yardım etmek maqsadınen Gollandiyada oña qoltutuv Komiteti meydanğa keldi.

09 Mart 2011

Fevral 9 künü Gaagada (Niderlandı) yerleşken ştab-kvartirasınıñ ofisinde Temsil olmağan halq ve milletler teşkilâtınıñ (UNPO) nevbetteki işçi körüşüvinde Mustafa Cemilevni 2011 senesi Dünya Nobel mukâfatına çıqarması maqsadınen qoltutuv komiteti meydanğa ketirilmesi ilân etildi.

Komitetni belli romaniya siyasetçisi, Avropa parlamentiniñ vitse-prezidenti Laslo Tokeş, Avropa parlamentiniñ Litvadan deputatı Leonidas Donskis ve ONNN baş kâtibi Marino Busdaçina reber etecekler.

ONNNnıñ işinde Milliy Meclisniñ azası, “BİZİM QIRIM” halqara cemaat teşkilâtınıñ reisi Abduraman Egiz de iştirak etti.

Belli olğanı kibi, Komitet işlemesiniñ maqsadı – dünya cemiyetine belli sovet aq-uquqlar qorçalayıcı ve şimdiki vaqıt Ukraina halq deputatı, Milliy Meclis reisi Mustafa Cemilevniñ namzeti ne içün qoyulğanını añlatmaqtır.

Belli ki, bundan evel Qırımda oktâbr 8-12 künleri 2009 senesi olıp keçken öz Preziditsumınıñ toplaşuvında ONNN Mustafa Cemilevni 2011 senesi Dünya Nobel mukâfatına çıqarmaq kibi teşebbüsnen çıqqan edi.

Böyleliknen, halqara cemiyetini bu namzetke qoltutqanını – qırımtataralarnıñ milliy areketi öz aq-uquqlarını yañıdan tiklemek içün yıllar devamında demokratik küreşni qullanğanı zorbalıqsız printsipniñ effektivligini propaganda etmek kibi vazifesinde bulunğanını haber etti. Komitet reberleriniñ fikirince, bu printsip dünyada bar olğan halq problemleriniñ çezilmesine esas mehanizm olmaq kerek.

SPRAVKA. Temsil olmağan halq ve milletler teşkilâtı (Unrepresented Nations and Peoples Organization (UNPO) – öz devleti olmağan tamır halqlarnıñ aq-uquqlarını qorçalamaq maqsadında çalışqan, öz isteginen iştirak etkenlerniñ halqara ükümetsiz teşkilâtıdır.

Teşkilât 1991 senesi Gaaga şeerinde meydanğa keldi ve şu vaqıttan berli 60 qadar halqnıñ meselelerini alem ögünde kibi şekilde muzakere etmege halqara imkânnı bere. Komitetniñ peyda oluvı aqqında http://www.unpo.org/article/12235 saytına kirip tapa bilesiñiz