2011 senesi avgust 31 künü milliy küreş boyunca Oraza bayramına bağışlanğan açıq cumhuriyet yarışı ötkerilecek

26 Avgust 2011

Milliy küreşni kütleviyleştirüv ve inkişaf ettirüv maqsadınen Aqmescitte 2011 senesi avgust 31 künü milliy küreş boyunca Oraza bayramına bağışlanğan açıq cumhuriyet yarışı ötkerilecek

Ğaliplerge baş mukâfatlarnı “Alraid” Bütünukrain cemaat teşkilâtlarınıñ birligi taqdim etecek.

Yarışnı “Küreş” Qırım milliy küreş federatsiyası ve Bütünukrain cemaat teşkilâtlarınıñ birligi “Alraid” teşkil eteler.

İştirak etmek içün teşkilâtnıñ yolbaşçısı, ekim, komanda vekili tarafından ve müür ile tasdiqlanğan ariza akemler eyyetine yarışqa kelgen künü berile.
Küreşçiler saat 9.00-de Aqmescit ş. Mokrousov soqağındaki 7-nci “a” binağa kelmeliler. Yarış saat 10-da başlanacaq. İştirak etmege istegenler bu aqta yarıştan evel, eñ keçi eki kün qalğanda bildirmek kerekler.

Erkekler arasında yarış 60 kg, 70 kg, 80 kg, 90 kg, 100 kg çekiler boyunca ve , +100 kg absolüt çeki, 15-16 yaşlı ösmürler arasında 44 kg, 48 kg, 50 kg, 58 kg, 64 kg, 70 kg, 76 kg,+76 kg. Milliy küreş qaideleri esasında keçirilecek.

Sportçılarnıñ masraflarını olarnı yollağan teşkilât ödeycek

Yarışnı teşkil etüv ve ğaliplerge mukâfatlar, diplomlarnı aluvnen bağlı masraflarnı Bütünukrain cemaat teşkilâtlarınıñ birligi “Alraid” kötere. Yarışqa azırlıq, umumiy reberlik ve ötkerüvni teşkiliy komitet “Küreş” Qırım cumhuriyet milliy küreş federatsiyasınıñ yolbaşçılığı altında amelge keçire.

Absolüt kategoriyada yeñgen ğalip eñ büyük mukâfat – qoynen taqdirlenecek.

Mezkür nizam yarış devrinde esas sayıla.
 

Malümat içün bu telefondan almaq mümkün: +380504988878