2. SİZOda şartlar sebebinden siyasiy mabüs Asan Ahtemovnıñ sağlığı yaramazlaştı

13 Iyün 2023

Aqmescitteki 2. SİZOda tutuluv şartları sebebinden qırımtatar faalcisi Asan Ahtemovnıñ sağlığı yaramazlaştı. Qırım.Aqiqat bunı yazdı.

Birleşmeniñ bilgilerine köre, saba saat altıdan aqşam saat onğa qadar kamerada oturmaq ve yataq yerinde yuqlamaq mümükün degil. Mabuslar SİZOnıñ işçileriniñ közlerine baqmağa yasaqlaylar ve rusiye gimnini ezberlemege mecbur eteler.

– Bu tür rejim sebebinden Asan Ahtemovnıñ aqrasındaki ağrı yaramazlaştı. Siyasiy mabüslerniñ advokatları, tibbiy tedaviylev ve tutuluv yaşayış şartları meselelerine celp etip, SİZOnıñ memuriyetine hitap ettiler, – Facebook saifesinde Kreml mabüsleriniñ aqrabaları birleşmesi yazdı.

Bozarğan aynıñ başlanğıcında Qırımtatar Milliy Meclisiniñ başı Refat Çubarov bildirdi ki, Aqmescitteki 2. SİZOda qırımtatar siyasiy mabüslerine – Qırımtatar Milliy Meclisiniñ başınıñ ilk muavini Nariman Celâl ve faalciler Asan ve Aziz Ahtemovğa qarşı işkenceler qullanalar.