Kıyivde Qırımtatar halqınıñ genotsid fedalarınıñ hatıra abidesi yanında bir sıra tedbir keçirilecek

17.05.2025

Mayısnıñ 18-i – Qırımtatar halqınıñ genotsid fedalarınıñ hatıra künü. Bu kün Qırımtatar halqına qarşı yapılğan eñ deşetli cinayetni – 1944 senesiniñ genotsidini hatırlaymız, o vaqıt bütün halq tuvğan Qırımdan zorbalıqnen sürgün etilgen edi.

Kıyivniñ bütün sakinlerini ve musafirlerini, Qırımtatar cemiyetiniñ vekillerini, gençlerni, cemaatnı – bu künü Qırımtatar halqınıñ genotsid fedalarınıñ hatıra abidesine kelip, hatıralarını ürmet etmege, çiçeklerni (güllerni) qoymağa ve birdemlik sözlerini aytmağa davet etemiz.

Mayısnıñ 18-i, Barışıq şeer bağçası, Lıbidska metro stantsiyasınıñ yanında.

Saat 14:00-dan 20:00-ğa qadar – hatıra ve destek meydançığı.

Bu müddet içinde şu yerlerde areket etecekler:

– “Serbest Qırımğa mektüpler” – er bir adam, Ukrain nazar noqtası, Qırımtatar kimligi ve Rusiye işğaline qarşı çıqqanı içün Rusiye tarafından qanunsız tutılğan Qırım siyasiy mabüslerine destek mektübini yaza bilecek.

– Malümat levhası – hatıra abidesi yanında Qırımtatar halqınıñ genotsid ikâyesi ve Vatanğa avdet yolunı añlatqan malümat sergisi açıldı. Bular – 1944 senesi sürgünlik, Qırımda yaşamaq aqqı içün küreş, nesillerniñ toqtatılmaması aqqında ikâye. Levhanıñ ayrı bir qısmı Qırımnıñ müstemlekeli esirliginiñ tarihiy devirlerine bağışlana – 1783 senesi Qırım hanlığınıñ ilhaqından 1944 senesi şuralar sürgünligine ve 2014 senesi başlağan şimdiki Rusiye işğaline qadar.

– Malzemeler – istegen er kes malzemelerni ala bile: 1944 senesi genotsidi, halqnıñ Qırımğa qaytuv küreşi ve zemaneviy meseleler aqqında tarihiy ve malümatlar, em de fedalarnı añmaq içün hatıra timsalleri.

Saat 20:30-ta Kıyiv şeeriniñ bütün cemaatını, Qırımtatar halqınıñ vekillerini, Qırım yarımadası ve Qırımtatar tamğası şeklinde çıraqlarnı ateşke bermege davet etemiz – er bir çıraqnıñ alemi “Biz hatırlaymız. Biz yanımızdamız. Qırım serbest olacaq” deycek. Bu aktsiyanıñ ışığı tek keçmişke bağlı degil. Bu ümüt aqqında, evge yol aqqında, işğal ve basqıdan azat olğan kelecek aqqında.

Tedbirlerni Qırımtatar Milliy Meclisi, Ukrayina Prezidentiniñ Qırım Muhtar Cumhuriyetindeki Temsilciligi, Qırım platforması, Kıyiv-Moğıla akademiyasınıñ “Qırım studiyaları” Merkezi, Menlik İnqilâbınıñ Milliy müzeyi • Maidan Museum, Crimea Daily media teşebbüsi, Qırım evi, TRO Media ve Büyük Britaniya, Estoniya, Kanada, Norvegiya, Finlândiya, İsviçre, İsveçre ükümetleri tarafından maliye etilgen “Küçlü Ukrayina içün ortaqlıq” Fonsu teşkil ettiler.