2025 senesi ilk küz ayınıñ 10-nda ilk kere Qırımtatar tili ve edebiyatı künü qayd etilecek

09.09.2025

1927 senesi ilk küz ayınıñ 10-da Birinci Bütünqırım imlâ konferentsiyasınıñ keçirilmesi munasebetinen saylanğan bu kün Qırımnıñ kerçek sesi olğan til ve qırımtatar halqınıñ hatırasını, küçüni ve inkişaf iradesini saqlağan edebiyatnı ürmet etüv künü olmalı.

Bu künü Qırımtatar Milliy Meclisi ve ortaqları Kıyivde bir qaç tedbirni keçirmege planlaştıralar.

İlk küz ayınıñ 10-nda saat 14:00-te Birlik School litseyinde tedbir keçirilecek.

Tedbirniñ programmasında:

• Noman Çelebicihannıñ aynı adlı ikâyesinden “Qarılğaçlar duası” adlı oyun;
• cemaat erbapları tarafından qırımtatar edebiyatından parçalar oqutuv;
• tilşınaslar, ocalar ve faalcilerniñ iştirakinen qırımtatar tiliniñ inkişafı ve qırımtatar tiliniñ tasdıqlanğan imlâ meselelerine bağışlanğan tögerek masa;
• balalar içün qırımtatar tilinde faaliyet: halq oyunları, yarışlar, icadiy vazifeler;
• musafirlerni ananeviy qırımtatar qavenen sıylamalar.

Tedbirni Qırımtatar Milliy Meclisi, Qırımtatar tiliniñ inkişafı institutı, Birlik School, Qadın Didanı teşebbüsi ve Qırım Cebebi cemaat teşebbüsiniñ desteginen teşkil ettiler.

Yer ve vaqıt: saat 14:00, Birlik School litseyil, Kıyiv vilâyeti, Çaykı köyü, Ğruşevskoğo sq., 3.

Aynı şu künü, ilk küz ayınıñ 10-nda, saat 19:00-da “Sens na Hreşçatıku” kitap tükânında “Qırımtatar tili ukrayin Qırımında: statusı, işletilmesi ve qullanıluvını temin etüv yolları” adlı açıq munaqaşa keçirilecek.

Subetniñ iştirakçileri:

– Olğa Kurışko, Ukrayina Prezidentiniñ Qırım MC Daimiy Temsilcisi;

– Refat Çubarov, Qırımtatar Milliy Meclisiniñ reisi;

– Viktor Yelenskıy, Ukrayinanıñ Qavmiy siyaset ve vicdan serbestligi devlet hızmetiniñ reisi.

Munaqaşanı “Qırımtatar tiliniñ inkişafı institutı” Cemaat birleşmesiniñ Reisi Mustafa Ametov idare etecek.

Tedbirni Qırımtatar Milliy Meclisi, Ukrayina Prezidentiniñ Qırım Muhtar Cumhuriyetindeki Temsilciligi, Qırım Daily media teşebbüsi, Qadın Didanı teşebbüsi, Qırım Cebebi birleşken teşebbüsi ve “Sens na Hreşçatıku” kitap tükânınen işbirlikte teşkil ettiler.

Bağlantığa basıp qayd oluñız https://cutt.ly/mrXQwczy
Tafsilâtlar: https://www.facebook.com/share/1AuabpR2zi/

Yer ve vaqıt: saat 19:00, Sens kitap tükânı, Hreşçatık, 34, 2-nci qat (küçük zal)