10 biñ qırımtatar adamı Qırımdan ketmege mecbur qaldı – Çiygoz

26 Oktâbr 2022

Böyle degen rus mobilizatsiyasınıñ başlanğıcından berli 10 biñden ziyade qırımtatar kişisi Qırımdan ketmege ve Ukrainağa qarşı cenkleşmemek içün ailelerinden ayırmağa mecbur qaldı. “Prâmıy” telekanalınıñ canlı yayınında Qırımtatar Milliy Meclisiniñ başınıñ muavini Ahtem Çiygoz bunı ayttı.

O haber berdi ki, bu sene Hırvatistanda olacaq “Qırım platforması”nda keçken sene kibi Qırımdan spikerler iştirak etemeyler. Onıñ sözlerine köre, işğal akimiyetiniñ vekilleri, bütün erkeklerge Qırımdan çıqmağa yasaq ettiler. Meclisniñ başınıñ muavini añlattı ki, ketmege mecbur qalğanlarnen laf etti.

– Vaziyet pek qıyındır. Keçenlerde böyle degen mobilizatsiya edi ve bu “mezarğa yol açqan mobilizatsiya”nıñ parçasını olmamaq içün qırımtatarlar başqa ülkelerge ketmege mecbur qaldılar. Bizim qıymetlendirgenimizge köre, Qırımnıñ topraqlarından kete bilgenlerniñ tahminen 10 biñi Qazahistan, Gürcistan ülkelerinde ve bütün Avropa boyunca buluna, – dep Çiygoz bildirdi.