{"id":43715,"date":"2014-03-15T23:26:00","date_gmt":"2014-03-15T20:26:00","guid":{"rendered":"http:\/\/qtmm.org\/?p=43715"},"modified":"2022-01-27T23:27:15","modified_gmt":"2022-01-27T20:27:15","slug":"qirimtatar-halqi-meclisinin-ukraina-yuqari-surasinaukraina-halqi-epsi-milletlerge-mensup-ukraina-vatandaslarina-muracaati","status":"publish","type":"post","link":"https:\/\/qtmm.org\/qt\/qirimtatar-halqi-meclisinin-ukraina-yuqari-surasinaukraina-halqi-epsi-milletlerge-mensup-ukraina-vatandaslarina-muracaati\/","title":{"rendered":"Q\u0131r\u0131mtatar halq\u0131 Meclisini\u00f1 Ukraina Yuqar\u0131 \u015euras\u0131na,Ukraina halq\u0131 \u2013epsi milletlerge mens\u00fcp Ukraina vatanda\u015flar\u0131na Muracaat\u0131"},"content":{"rendered":"\n

Ukraina Yuqar\u0131 \u015euras\u0131na
Ukraina halq\u0131 \u2013epsi milletlerge mens\u00fcp Ukraina vatanda\u015flar\u0131na<\/strong>

 <\/p>\n\n\n\n

Q\u0131r\u0131mtatar halq\u0131 Meclisini\u00f1
Ukraina Yuqar\u0131 \u015euras\u0131na,
Ukraina halq\u0131 \u2013epsi milletlerge mens\u00fcp Ukraina vatanda\u015flar\u0131na
Muracaat\u0131<\/strong><\/p>\n\n\n\n


Q\u0131r\u0131mtatar halq\u0131n\u0131\u00f1 tolu vek\u00e2letli organ\u0131 – Q\u0131r\u0131mtatar halq\u0131n\u0131\u00f1 Meclisi

– q\u0131r\u0131mtatarlarn\u0131\u00f1 ve Q\u0131r\u0131mn\u0131\u00f1, angi milletke mens\u00fcp ol\u011fan\u0131ndan qatiy nazar, epsi sakinlerini\u00f1 havfs\u0131zl\u0131\u011f\u0131 ve serbestligi tel\u00fcke alt\u0131nda bulun\u011fanda,

– yabanc\u0131 devlet taraf\u0131ndan Q\u0131r\u0131mn\u0131\u00f1 i\u015f\u011fal etilmesi ve do\u011frudan-do\u011fru arbiy qar\u0131\u015fuv neticesinde y\u00fcz berecek aqibetlerni\u00f1 k\u00f6lemini tahmin etkeni alda,

– q\u0131r\u0131mtatar halq\u0131n\u0131\u00f1 bug\u00fcnki ve kelecek nesilleri \u00f6g\u00fcnde b\u00fcy\u00fck mes\u00fclietini sezgeni alda,

– Q\u0131r\u0131m 1783 senesi i\u015f\u011falinden so\u00f1 q\u0131r\u0131mtatar halq\u0131 \u00e7oqas\u0131rl\u0131q devlet\u00e7iliginden mahrum olaraq, ba\u015f\u0131ndan ke\u00e7irgen \u011fay\u0131plar, aqaret, azap-uqubetler, repressiyalarn\u0131 unutma\u011fan\u0131 alda,

– Q\u0131r\u0131mtatar halq\u0131 tarihiy Vatan\u0131ndan zorbal\u0131qnen s\u00fcrg\u00fcn etilgen 1944 senesi may\u0131s 18 soyq\u0131r\u0131m\u0131n\u0131\u00f1 tekrarlanmas\u0131na yol bermemege t\u0131r\u0131\u015fqan\u0131 alda,

– \u00f6z aqlar\u0131 o\u011frunda k\u00fcre\u015fni\u00f1 qans\u0131z, zorluqs\u0131z usullar\u0131na esaslan\u011fan\u0131 alda,

– \u00f6z-\u00f6z\u00fcni belgilev aqq\u0131na kefillik bergen ve tan\u0131l\u011fan halqara vesiqalar \u2013 BMT Nizamnamesi, BMT Ba\u015f Assambleyas\u0131n\u0131\u00f1 1960 senesi dekabr 14-te al\u0131n\u011fan \u2116 1514 (XV) qarar, 1966 senesi dekabr 16-da qabul etilgen \u0130qtisadiy, i\u00e7timaiy ve medeniy aqlar aqq\u0131nda halqara a\u00f1la\u015fma ve vatanda\u015fl\u0131q ve siyasiy aqlar aqq\u0131nda halqara a\u00f1la\u015fma, 1970 senesi okt\u00e2br 24-tte BMT Nizamnamesine muvaf\u0131q qabul etilgen devletler aras\u0131nda dostane munasebetler ve i\u015fbirlikke ait halqara uquq deklaratsiyas\u0131n\u0131\u00f1 printsiplerine esaslanaraq,

– BMTni\u00f1 2007 senesi sent\u00e2br 13-te qabul etilgen “Tam\u0131r halqlarn\u0131\u00f1 aqlar\u0131 aqq\u0131nda”, c\u00fcmleden a\u015fa\u011f\u0131daki maddelerni k\u00f6zde tutqan:
a) tam\u0131r halqn\u0131\u00f1 \u00f6zyerklik aqq\u0131n\u0131 (3-nci madde),
b)tam\u0131r halqn\u0131\u00f1 muhtariyet ve kendisi idare et\u00fcv aqq\u0131n\u0131 (4-nci madde),
c) tam\u0131r halqn\u0131\u00f1 \u00f6z\u00fc ya\u015fa\u011fan devletni\u00f1 siyasiy, iqtisadiy, i\u00e7timaiy ve medeniy \u00f6m\u00fcrinde \u00f6z istegine k\u00f6re i\u015ftirak etmek aqq\u0131n\u0131 (5-nci madde)
d) tam\u0131r halq ya\u015fa\u011fan hududda on\u0131\u00f1 raz\u0131l\u0131\u011f\u0131 ya da on\u0131\u00f1 bu aqta ricas\u0131 olmadan arbiy faaliyet al\u0131p bar\u0131lmas\u0131 yasaqlan\u011fan\u0131 (30-nc\u0131 madde),
e) tam\u0131r halqn\u0131\u00f1 devletler ve diger taraflar ile davalarn\u0131\u00f1 adaletli \u00e7ezim protseduras\u0131nda i\u015ftirak etmege aqq\u0131n\u0131 (40-nc\u0131 madde)
f) Deklaratsiyan\u0131\u00f1 nizamlar\u0131 mustaqil ve serbest devletni\u00f1 territorial ve siyasiy b\u00fct\u00fcnligine zarar ketirgen \u015fekilde a\u00f1lat\u0131lmas\u0131 ve qullan\u0131lmas\u0131 yasaq etilgeni (46-nc\u0131 madde) Deklaratsiyas\u0131na esaslanaraq,
– 1991 senesi iy\u00fcn 28-de Q\u0131r\u0131mtatar halq\u0131n\u0131\u00f1 11 Qurultay\u0131nda qabul etilgen Q\u0131r\u0131mtatar halq\u0131n\u0131\u00f1 milliy mustaqilligi aqq\u0131ndaki deklaratsiya\u011fa esaslanaraq,

– Q\u0131r\u0131mtatar halq\u0131 aqlar\u0131n\u0131\u00f1 \u011fayr\u0131dan tiklemek ve q\u0131r\u0131mtatar halq\u0131n\u0131\u00f1 Q\u0131r\u0131mda tam\u0131r halq status\u0131n\u0131 belgilemek i\u00e7\u00fcn Ukraina devleti o\u00f1a ba\u011fl\u0131 i\u00e7 bir \u015fey yapmad\u0131 ve neticede resmiy akimler taraf\u0131ndan aqs\u0131mlan\u011fan, dep say\u011fan\u0131m\u0131z alda b\u00fct\u00fcn ukrain halq\u0131na, Ukraina Yuqar\u0131 \u015euras\u0131nda on\u0131\u00f1 vekillerine a\u015fa\u011f\u0131dakiler ile muracaat etemiz:


1) Ukrainan\u0131 mevcut s\u0131\u00f1\u0131rlarda serbest ve mustaqil devlet dep say\u011fan\u0131m\u0131zn\u0131 tasdiqlaym\u0131z;

2) Rusiye Federatsiyas\u0131 taraf\u0131ndan agressiya areketini keskin qaralap, bu areketlerni mevcut devletlerara munasebetler sistemas\u0131, halqara uquqn\u0131 qaba s\u00fcrette bozuv, dep sayam\u0131z;

3) Q\u0131r\u0131mn\u0131\u00f1 territorial mens\u00fcpligini de\u00f1i\u015ftirmek maqsad\u0131nen 2014 senesi mart 16 k\u00fcn\u00fc ke\u00e7irilgen Q\u0131r\u0131m referendum\u0131n\u0131 Ukraina Anayasas\u0131 ve halqara uquqqa uy\u011fun ve qanuniy dep saymaym\u0131z;
4) Q\u0131r\u0131mn\u0131\u00f1 kelecegini Q\u0131r\u0131mn\u0131\u00f1 tam\u0131r halq\u0131 \u2013 q\u0131r\u0131mtatar halq\u0131n\u0131\u00f1 serbest istegi olmadan belgilemek areketlerini kesinliknen red etemiz;

5) q\u0131r\u0131mtatar halq\u0131 angi devlette ya\u015fama\u011fa aqq\u0131 ol\u011fan\u0131 aqq\u0131nda qararn\u0131 faqat q\u0131r\u0131mtatar halq\u0131n\u0131\u00f1 \u00f6z\u00fc alabilir;

6) q\u0131r\u0131mtatar halq\u0131 aqlar\u0131n\u0131\u00f1 \u011fayr\u0131dan tiklenmesi ve \u00f6z tarihiy Vatan\u0131nda \u00f6z-\u00f6z\u00fcni belgilev aqq\u0131 mustaqil ve serbest Ukraina devleti erk\u00e2n\u0131da amelge ke\u00e7irilmesi kerekliginde eminmiz;

7)Q\u0131r\u0131mdaki er angi akimiyet q\u0131r\u0131mtatar halq\u0131n\u0131\u00f1 raz\u0131l\u0131\u011f\u0131 ve istegini serbest ifade etkeni \u015faraitte \u015fekillenmek ve faaliyet k\u00f6stermek kerek, dep sayam\u0131z;

8) Ukraina Yuqar\u0131 \u015euras\u0131n\u0131 BMTni\u00f1 Tam\u0131r halqlarn\u0131\u00f1 aqlar\u0131 aqq\u0131ndaki deklaratsiyas\u0131na qo\u015fulma\u011fa \u00e7a\u011f\u0131ram\u0131z;

9) Q\u0131r\u0131mtatar halq\u0131 Q\u0131r\u0131mn\u0131\u00f1 tam\u0131r halq\u0131 ol\u011fan\u0131 tan\u0131lmas\u0131 ve Ukrainan\u0131\u00f1 qanunlar\u0131 ve diger uquqiy aktlar\u0131 ile pekitmege \u00e7a\u011f\u0131ram\u0131z;

10) Ukraina Yuqar\u0131 \u015euras\u0131 ve devletni\u00f1 diger akimiyet organlar\u0131n\u0131 deral ve halqara te\u015fkil\u00e2tlar (BMT OSCE, Avropa \u015euras\u0131, Avropa Birligi)nen birlikte q\u0131r\u0131mtatar halq\u0131n\u0131\u00f1 tam\u0131r halqlarn\u0131\u00f1 aqlar\u0131 aqq\u0131nda halqara aktlarda k\u00f6zde tutul\u011fan aqlar\u0131n\u0131 amelge ke\u00e7irmek, q\u0131r\u0131mtatar halq\u0131n\u0131\u00f1 \u00f6z tarihiy topra\u011f\u0131 Q\u0131r\u0131mda \u00f6z-\u00f6z\u00fcni belgilemek aqq\u0131n\u0131 elde etmek i\u00e7\u00fcn serbest istek bildirmesini teminlemege \u00e7a\u011f\u0131ram\u0131z.<\/p>\n\n\n\n

Refat \u00c7ubarov
Q\u0131r\u0131mtatar halq\u0131 Meclisini\u00f1 reisi<\/strong><\/p>\n\n\n\n

2014 senesi mart 15, Aqmescit \u015f.<\/em><\/p>\n\n\n\n