{"id":36091,"date":"2013-03-01T17:27:00","date_gmt":"2013-03-01T14:27:00","guid":{"rendered":"http:\/\/qtmm.org\/?p=36091"},"modified":"2022-01-23T17:29:44","modified_gmt":"2022-01-23T14:29:44","slug":"turkiye-cumhuriyetinin-medeniyet-nazirligi-i-gasprinskiy-adina-qirimtatar-kutuphanesine-turk-nesirlerinin-bir-qismini-ediye-etti","status":"publish","type":"post","link":"https:\/\/qtmm.org\/qt\/turkiye-cumhuriyetinin-medeniyet-nazirligi-i-gasprinskiy-adina-qirimtatar-kutuphanesine-turk-nesirlerinin-bir-qismini-ediye-etti\/","title":{"rendered":"T\u00fcrkiye Cumhuriyetini\u00f1 Medeniyet nazirligi \u0130. Gasprinskiy ad\u0131na q\u0131r\u0131mtatar k\u00fct\u00fcphanesine t\u00fcrk ne\u015firlerini\u00f1 bir q\u0131sm\u0131n\u0131 ediye etti"},"content":{"rendered":"\n

2013 senesi mart 1 k\u00fcn\u00fc Q\u0131r\u0131mn\u0131 T\u00fcrkiye Cumhuriyetini\u00f1 Ukrainadaki El\u00e7iligi medeniyet ve informatsiya meseleleri boyunca hadimi Berat Y\u0131ld\u0131z ziyaret etti. On\u0131\u00f1 ziyareti T\u00fcrkiye Cumhuriyetini\u00f1 Medeniyet naziri Ertu\u011frul G\u00fcnay ve Meclis reisi Mustafa Cemilev aras\u0131nda evelden a\u00f1la\u015fma yap\u0131l\u0131p, T\u00fcrkiye Medeniyet naziri q\u0131r\u0131mtatar k\u00fct\u00fcphanesine t\u00fcrk d\u00fcnyas\u0131na dair \u00e7e\u015fit ne\u015firlerni bermek niyetini bildirgeni \u00e7er\u00e7ivesinde old\u0131.

Berat Y\u0131ld\u0131zn\u0131\u00f1 aytqan\u0131a k\u00f6re , ediye etilgen kitaplarn\u0131\u00f1 birinci q\u0131sm\u0131na t\u00fcrk tilinde bediiy eserler, bun\u0131\u00f1 kibi de Orhan Pamuq ve Cengiz Da\u011fc\u0131n\u0131\u00f1 rus ve ukrain tiline tercime etilgen bir s\u0131ra eserleri kirsetildi. “Yaq\u0131n zamanda biz k\u00fct\u00fcphaneni\u00f1 fond\u0131n\u0131 kene zenginle\u015ftirmek, c\u00fcmleden elektron ta\u015f\u0131y\u0131c\u0131larda da kitaplarnen temin etmek niyetindemiz”, – dedi Berat Y\u0131ld\u0131z ve \u0130. Gasprinskiy ad\u0131na k\u00fct\u00fcphanege \u00f6z \u015fahsiy fond\u0131ndan da kitaplar bermekni \u00f6z\u00fc i\u00e7\u00fcn \u015feref, dep bilgenini qo\u015ft\u0131.<\/p>\n\n\n\n

Meclis reisi Mustafa Cemilev T\u00fcrkiye \u00fck\u00fcmetine k\u00f6stergen destegi i\u00e7\u00fcn te\u015fekk\u00fcrler s\u00f6ylep, T\u00fcrkiye Cumhuriyeti Q\u0131r\u0131mtatar k\u00fct\u00fcphanesini\u00f1 fondlar\u0131n\u0131 artt\u0131rmaq i\u015finde \u00e7oqtan aktiv i\u015ftirak etkenini qayd etti.<\/p>\n\n\n\n

Meclis reisi Mustafa Cemilev T\u00fcrkiye Cumhuriyetini\u00f1 Ukrainadaki El\u00e7iligi medeniyet ve informatsiya meseleleri boyunca hadimi Berat Y\u0131ld\u0131z\u011fa hat\u0131rlatt\u0131 ki, T\u00fcrkiye Cumhuriyeti Medeniyet naziri Ertu\u011frul G\u00fcnay 2012 senesi okt\u00e2br 4-te Q\u0131r\u0131m ziyareti devam\u0131nda Q\u0131r\u0131mtatar k\u00fct\u00fcphanesi i\u00e7\u00fcn i\u00e7inde oquv salon\u0131, mu\u015favereler salon\u0131 ve kileri ol\u011fan ya\u00f1\u0131 bina qurma\u011fa vade bergen edi.<\/p>\n\n\n\n

\u00d6z nevbetinde B. Y\u0131ld\u0131z T\u00fcrkiye Cumhuriyetini\u00f1 Medeniyet Nazirligine k\u00fct\u00fcphane yolba\u015f\u00e7\u0131lar\u0131 ya\u00f1\u0131 bina quruc\u0131l\u0131\u011f\u0131n\u0131 finansirlemek i\u00e7\u00fcn zarur b\u00fct\u00fcn vesiqalarn\u0131 az\u0131rla\u011fanlar\u0131n\u0131 haber etecegini i\u015fand\u0131rd\u0131.<\/p>\n\n\n\n

Kitaplarn\u0131 taqdim et\u00fcv tantanal\u0131 merasiminde Q\u0131r\u0131m Medeniyet naziri A. Plakida, Meclis reisini\u00f1 T\u00fcrkiye meseleleri boyunca yard\u0131mc\u0131s\u0131 \u0130smet Y\u00fcksel, q\u0131r\u0131mtatar yaz\u0131c\u0131 ve \u015fairleri, cemaat\u00e7\u0131l\u0131q vekilleri i\u015ftirak ettiler.<\/p>\n\n\n\n

\u00d6z taraf\u0131ndan \u0130. Gasprinskiy ad\u0131na q\u0131r\u0131mtatar k\u00fct\u00fcphanesini\u00f1 direktor\u0131 G\u00fclnara Ya\u011fyayeva ve b\u00fct\u00fcn hadimleri Berat Y\u0131ld\u0131z\u011fa samimiy minnetdarl\u0131qlar\u0131n\u0131 bildirip, bu kitaplar k\u00fct\u00fcpaheni\u00f1 fond\u0131nda \u015ferefli yer alacaqlar\u0131n\u0131 s\u00f6yledi.<\/p>\n\n\n\n