{"id":35096,"date":"2012-11-12T14:29:00","date_gmt":"2012-11-12T11:29:00","guid":{"rendered":"http:\/\/qtmm.org\/?p=35096"},"modified":"2022-01-23T14:32:02","modified_gmt":"2022-01-23T11:32:02","slug":"qirq-colpan-azilerine-eki-bastas-tiklendi","status":"publish","type":"post","link":"https:\/\/qtmm.org\/qt\/qirq-colpan-azilerine-eki-bastas-tiklendi\/","title":{"rendered":"Qirq-\u00c7olpan azilerine eki ba\u015fta\u015f tiklendi"},"content":{"rendered":"\n

S\u00fcrg\u00fcnlikten evel C\u00fcr\u00e7i rayon\u0131nda Q\u0131rq-\u00c7olpan k\u00f6y\u00fc bar edi. \u015eimdi bu k\u00f6y aqq\u0131nda  6  y\u0131l evelsi azizlerni\u00f1 qabirleri \u00fcst\u00fcnde tiklengen ba\u015fta\u015f a\u00f1d\u0131ra. Bu y\u0131ln\u0131\u00f1 ba\u015f\u0131nda azizler ba\u015fta\u015f\u0131na belli olma\u011fan \u015fahslar taraf\u0131ndan \u00fcc\u00fcm etilip, o s\u0131nd\u0131r\u0131l\u011fan edi.<\/strong><\/em><\/p>\n\n\n\n

Bug\u00fcn Q\u0131rq \u00c7olpan k\u00f6y azizlerine\u00a0 ba\u015fta\u015f yapt\u0131r\u011fan Q\u0131r\u0131m Yuqar\u0131 \u015euras\u0131n\u0131\u00f1 deputat\u0131 Safure Kacametova, region meclisini\u00f1 azalar\u0131 ve yerli cemaat topla\u015f\u0131p, tamir etilgen ba\u015fta\u015f\u00a0 ve ya\u00f1\u0131dan tiklengen ekinci ba\u015fta\u015f yan\u0131nda azizler ruhuna\u00a0 dualar ba\u011f\u0131\u015flap, qurban \u00e7ald\u0131la<\/strong><\/em><\/p>\n\n\n\n

C\u00fcr\u00e7i rayon\u0131n\u0131\u00f1 Q\u0131rq-\u00c7olpan k\u00f6y\u00fc Alke\u00e7 (\u015fimdi Alekseyevka<\/em>) k\u00f6y\u00fcnden 2 kilometr avlaqta yerle\u015fken edi. Al-az\u0131rda bir zamanlarda b\u00fcy\u00fck d\u00f6rt quyus\u0131, y\u00fcksek minareli camisi, naml\u0131 medresesi ol\u011fan k\u00f6yni anda-m\u0131nda yatqan ta\u015flar, binalarn\u0131\u00f1 temellerinden qal\u011fan ta\u015flar, virane al\u0131na ketirilgen eski mezarl\u0131q a\u00f1d\u0131ra.<\/p>\n\n\n\n

Eski zamanlarda bu mezarl\u0131qta Q\u0131rq \u00c7olpan azizleri defn etilgen edi. Bundan 6 y\u0131l evelsi “Maarif\u00e7i” birle\u015fmesini\u00f1 reisi Safure Kacametova tam\u0131rlar\u0131 bu k\u00f6yden ol\u011fan day\u0131s\u0131, AQ\u015e sakini \u015eefiq Qurunnen (o, 1924 senesi Q\u0131rq \u00c7olpan k\u00f6y\u00fcnde do\u011f\u011fan, ya\u015fa\u011fan Amerikadan Q\u0131r\u0131m\u011fa 1994 s. ve 2003s. ziyaretnen kelgende tuv\u011fan k\u00f6y\u00fcndeki Azizlerni\u00f1 yeri qayda ol\u011fan\u0131n\u0131 k\u00f6stergen ve abide ta\u015f\u0131 tiklemek ricas\u0131nda bulun\u011fan edi<\/em>) beraber Q\u0131rq-\u00c7olpan Azizlerine ananeviy ba\u015fta\u015f qoyd\u0131ra. On\u0131 endi merhum ol\u011fan eykelt\u0131ra\u015f \u0130lmi Ametov yasa\u011fan edi.<\/p>\n\n\n\n

2006s. ba\u015fta\u015f tiklen\u00fcv merasiminde yerli cemaat\u00e7\u0131l\u0131qnen beraber o da i\u015ftirak etken edi.<\/p>\n\n\n\n

“2012 seneni\u00f1 ba\u015f\u0131nda ba\u015fta\u015f belli olma\u011fan \u015fahslar taraf\u0131ndan bozuld\u0131, cinaiy i\u015f a\u00e7\u0131ld\u0131, amma neticesi al\u00e2 daa yoq\u2026”<\/em>,\u2013 dey C\u00fcr\u00e7i region meclisini\u00f1 reisi Refat Saytablayev. On\u0131\u00f1 te\u015febb\u00fcsinen cemaat toplan\u0131p, cemaat paras\u0131na, cemaat emeginen azizler qabirleri ta\u015f qoranen sar\u0131p al\u0131na, eski ba\u015fta\u015f ise tamirlene.<\/p>\n\n\n\n

Abide ta\u015f\u0131na yap\u0131l\u011fan vah\u015fiylik aqq\u0131nda e\u015fitken QYU\u015e deputat\u0131 Safure Kacametova ba\u015fta\u015fn\u0131 ya\u00f1\u0131dan yasatmaq qarar\u0131n\u0131 ala ve \u0130lmi Ametovn\u0131\u00f1 i\u015fini devam etken q\u0131z\u0131 Zarina han\u0131m\u011fa ya\u00f1\u0131 ba\u015fta\u015f s\u0131marlay ve merhum eykelt\u0131ra\u015fn\u0131\u00f1 \u015fegirti Aleksandr Lukyanov yasa\u011fan ya\u00f1\u0131 ba\u015fta\u015f Q\u0131rq \u00c7olpan\u011fa al\u0131p keline. “Bu sefer ta\u015fn\u0131\u00f1 sermiyas\u0131n\u0131 esas menim ailem ve \u015fimdi Ny\u00fc-Yorkta ya\u015fa\u011fan, amma tam\u0131rlar\u0131 Q\u0131rq \u00c7olpandan ol\u011fan tuv\u011fan\u0131m Dilek Mergin k\u00f6terdiler, ciyenim Kemal Kurun da elinden kelgen qadar qo\u015fuld\u0131”<\/em>, \u2013 dey Safure han\u0131m.<\/p>\n\n\n\n

Region meclisi ve yerli cemaat\u00e7\u0131l\u0131q vah\u015fiycesine s\u0131nd\u0131r\u0131l\u011fan evel qoyul\u011fan ba\u015fta\u015fn\u0131 tamir etip ya\u00f1\u0131dan tiklediler. Olar Azizler etraf\u0131na ta\u015ftan isar yap\u0131p,\u00a0 qurban \u00e7ald\u0131lar ve dua merasimini ke\u00e7irdiler. Endi Q\u0131rq-\u00c7olpan k\u00f6y\u00fcnde bir abide ta\u015f\u0131 yerine eki abide tiklendi, kelecekte evelki kibi d\u00fcrbe de qurulacaq.

Bizim ke\u00e7mi\u015fimizge qol k\u00f6tergen vah\u015fiyler bilsinler ki, olar devlet qanunlar\u0131 cezas\u0131ndan qa\u00e7salar bile, Alla cezas\u0131ndan qa\u00e7\u0131p olamazlar, deyler bu qadimiy yerde ya\u015fa\u011fan semetde\u015flerimiz. \u00a0<\/p>\n\n\n\n