“Q\u0131r\u0131mtatar halq\u0131n\u0131\u00f1 Meclisinen emekda\u015fl\u0131\u011f\u0131m\u0131z biz i\u00e7\u00fcn pek m\u00fcimdir”, – dedi Birle\u015fken muhalifet B\u00fct\u00fcnukrain “Batkiv\u015f\u00e7ina” birle\u015fmesi Merkeziy saylav \u015ftab\u0131n\u0131\u00f1 ba\u015f\u0131 Aleksandr Tur\u00e7inov. – Biz Mustafa Cemilevni \u00e7oq y\u0131llardan berli tan\u0131ym\u0131z. Bu insan imperiya rejimini\u00f1 apshanelerinde de k\u00fcre\u015fip, \u011falip olma\u011fa al\u0131\u015fq\u0131nd\u0131r. Bizlerni \u00e7oq \u015feyler birle\u015ftire”.<\/p>\n\n\n\n
Bu aqta Tur\u00e7inov 2012 senesi iy\u00fcl 27 k\u00fcn\u00fc ol\u0131p ke\u00e7ken matbuat konferentsiyas\u0131nda aytt\u0131. Onda “Batkiv\u015f\u00e7ina” B\u00fct\u00fcnukrain birle\u015fmesi ve Q\u0131r\u0131mtatarlar halq\u0131 meclisini\u00f1 2012 senesi parlament saylavlar\u0131nda i\u015ftirak et\u00fcv boyunca m\u00fc\u015fterek beyanat\u0131 imzaland\u0131.<\/p>\n\n\n\n
\u00d6z nevbetinde Q\u0131r\u0131mtatarlar halq\u0131 meclisini\u00f1 ba\u015f\u0131 Mustafa Cemilev bildirdi ki, yaq\u0131n vaq\u0131tta Meclisni\u00f1 topla\u015fuv\u0131 ke\u00e7irilip, q\u0131r\u0131mtatar halq\u0131 vek\u00e2letli organ\u0131n\u0131\u00f1 azalar\u0131 kesen-kes qarar qabul etecekler. “Biz \u011falebe qazanaca\u011f\u0131m\u0131z\u011fa \u00fcm\u00fct etemiz, er alda o\u00f1a iri\u015fmek i\u00e7\u00fcn elimizden kelgenni yaparm\u0131z”, – dedi Mustafa Cemilev.<\/p>\n\n\n\n
\u0130mzalan\u011fan beyanatn\u0131 izaatla\u011fan Birle\u015fken muhalifet B\u00fct\u00fcnukrain “Batkiv\u015f\u00e7ina” birle\u015fmesi ke\u00f1e\u015fini\u00f1 reisi Arseniy Yatsen\u00fck emin ki, taraflar pek mes\u00fclietli ve ciddiy qarar ald\u0131lar.<\/p>\n\n\n\n
“Bu mes\u00fclietli ve ciddiy qarard\u0131r, \u00e7\u00fcnki so\u00f1ki vaq\u0131tta koalitsion \u00e7oqluq, mesel\u00e2 Simonenko, s\u00fcrg\u00fcnlikni aqlama\u011fa t\u0131r\u0131\u015falar. \u0130osif Stalin q\u0131r\u0131mtatar halq\u0131n\u0131 s\u00fcrg\u00fcn etmeknen \u00f6l\u00fcmden qurtard\u0131 demek, menimce, tarihiy faktlarn\u0131 aqaret et\u00fcv demektir, – dedi Yatsen\u00fck. \u2013 Ve bug\u00fcn \u00e7oqlar\u0131 b\u00f6yle fikirdeler”.<\/p>\n\n\n\n
Arseniy Yatsen\u00fckni\u00f1 aytqan\u0131na k\u00f6re, birle\u015fken muhalifet \u00f6z programmas\u0131nda tam\u0131r halqlar ve milliy azl\u0131qlarn\u0131\u00f1 meselelerine baya\u011f\u0131 diqqat ay\u0131rd\u0131. Meclisnen birlikte beyanat imzalan\u011fan so\u00f1 Birle\u015fken muhalifetni\u00f1 programmas\u0131nda tam\u0131r halqlar ve milliy azl\u0131qlarn\u0131 qor\u00e7alav boyunca ayr\u0131ca madde ve ayr\u0131ca b\u00f6l\u00fck olacaq.<\/p>\n\n\n\n
“Q\u0131r\u0131mtatar halq\u0131 Meclisini\u00f1 reisinen beraber beyanat imzalad\u0131\u011f\u0131m\u0131z milliy azl\u0131qlarn\u0131 qor\u00e7alav boyunca pozitsiyam\u0131zn\u0131\u00f1 ifadesidir, beyanat eki tilde \u2013 ukrain ve q\u0131r\u0131mtatar tilinde imzalan\u011fan\u0131n\u0131 ayr\u0131ca qayd etmelidir”, – dedi Yatsen\u00fck.<\/p>\n\n\n\n
Hat\u0131rlatam\u0131z ki, iy\u00fcl 27 k\u00fcn\u00fc Birle\u015fken muhalifet B\u00fct\u00fcnukrain “Batkiv\u015f\u00e7ina” birle\u015fmesi ke\u00f1e\u015fini\u00f1 reisi Arseniy Yatsen\u00fck, Q\u0131r\u0131mtatar halq\u0131 Meclisini\u00f1 reisi Mustafa Cemilev ve Birle\u015fken muhalifet B\u00fct\u00fcnukrain “Batkiv\u015f\u00e7ina” birle\u015fmesi Merkeziy saylav \u015ftab\u0131n\u0131\u00f1 ba\u015f\u0131 Aleksandr Tur\u00e7inov Birle\u015fken muhalifet ve Meclis 2012 senesi parlament saylavlar\u0131nda beraber i\u015ftirak etecekleri aqq\u0131nda m\u00fc\u015fterek beyanatn\u0131 imzalad\u0131lar.<\/p>\n\n\n\n
” Birle\u015fken muhalifet B\u00fct\u00fcnukrain “Batkiv\u015f\u00e7ina” birle\u015fmesi ve Q\u0131r\u0131mtatar halq\u0131n\u0131\u00f1 Meclisi 2012 senesi parlament se\u00e7imlerinde qanun\u011fa riayet etilmesi, , saylav ceryan\u0131 i\u015ftirak\u00e7ileri i\u00e7\u00fcn episi basq\u0131\u00e7larda musaviy imk\u00e2nlar berilmesi, saylavlarn\u0131\u00f1 namusl\u0131, adaletli ve a\u00e7\u0131q nketiceleri elde etilmesini teminlev meselelerinde i\u015fbirlikte bulunacaqlar.<\/p>\n\n\n\n
Birle\u015fken muhalifet B\u00fct\u00fcnukrain “Batkiv\u015f\u00e7ina” birle\u015fmesi ve Q\u0131r\u0131mtatar halq\u0131n\u0131\u00f1 Meclisini\u00f1 m\u00fc\u015fterek beyanat\u0131 ukrain ve q\u0131r\u0131mtatar tillerinde imzaland\u0131.<\/p>\n\n\n\n
Haberlerge video<\/strong><\/p>\n\n\n\n