{"id":28662,"date":"2012-02-22T13:34:00","date_gmt":"2012-02-22T10:34:00","guid":{"rendered":"http:\/\/qtmm.org\/?p=28662"},"modified":"2022-01-20T13:38:02","modified_gmt":"2022-01-20T10:38:02","slug":"kiyevde-general-potr-grigorenkonin-hatirasini-andilar","status":"publish","type":"post","link":"https:\/\/qtmm.org\/qt\/kiyevde-general-potr-grigorenkonin-hatirasini-andilar\/","title":{"rendered":"Kiyevde general P\u00f6tr Grigorenkon\u0131\u00f1 hat\u0131ras\u0131n\u0131 a\u00f1d\u0131lar"},"content":{"rendered":"\n

Bundan tamam 25 y\u0131l evelsi, 1987 senesini\u00f1 fevral ay\u0131nda ecel b\u00fcy\u00fck insan, sovet ordus\u0131n\u0131\u00f1 general\u0131, arbiy ilimler professor\u0131, uquqqoruy\u0131c\u0131 Petr Grigorenkon\u0131 aram\u0131zdan al\u0131p ketti. 2012 senesi fevral 21 k\u00fcn\u00fc Kiyev \u015feerindeki Kendisini faqat mustaqil ukrain pravoslav kilsesinde a\u00f1malar\u0131n\u0131 vasiyet etken P\u00f6tr Grigorenkon\u0131\u00f1 ruhuna dua Sv\u00e2to-Vladimirskiy kilsesinde oquld\u0131.<\/p>\n\n\n\n

Dua merasiminde Q\u0131r\u0131mtatar halq\u0131 Meclisini\u00f1 reisi, Ukraina halq deputat\u0131 Mustafa Cemilev, Q\u0131r\u0131mdan milliy areket i\u015ftirak\u00e7ileri Ayder Zeytullayev, Veciye Ka\u015fka, G\u00fclizar Yunusova, Meclis azalar\u0131 Ali Hamzin, Bekir Mamutov ve Zevcet Qurt\u00fcmerov, Q\u0131r\u0131mtatar halq\u0131 5-nci \u00e7a\u011f\u0131r\u0131l\u0131\u015f qurultay\u0131n\u0131\u00f1 delegat\u0131 Liliya M\u00fcslimova, “Q\u0131r\u0131m Ukraina ile” B\u00fct\u00fcnq\u0131r\u0131m alimler cemiyetini\u00f1 reisi Petro Volva\u00e7 i\u015ftirak ettiler.<\/p>\n\n\n\n

Bundan da \u011fayr\u0131 dua\u011fa bir \u00e7oq ukrain uquqqoruy\u0131c\u0131lar\u0131 ve dissidentler, P\u00f6tr Grigoryevi\u00e7ni\u00f1 dostlar\u0131 ve meslekde\u015fleri, Ukraina halq deputatlar\u0131
V\u00e2\u00e7eslav Koval, Nikolay K\u00fcl\u00e7inskiy ve Zinoviy \u015ekut\u00e2k, “Q\u0131r\u0131m inki\u015faf\u0131 fondu” hayriye te\u015fkil\u00e2t\u0131n\u0131\u00f1 ba\u015f m\u00fcdiri Aleksey Skorik, bun\u0131\u00f1 kibi de Ukrainadaki \u00e7e\u015fit siyasiy ve i\u00e7timaiy k\u00fc\u00e7lerni\u00f1 temsilcileri de qo\u015fuld\u0131lar. Duan\u0131 Aqmescit ve Q\u0131r\u0131m piskopos\u0131 Kliment al\u0131p bard\u0131. Sv\u00e2to-Vladimirskiy ibadethanesinde P\u00f6tr Grigorenkon\u0131\u00f1 hat\u0131ras\u0131 ilk sefer a\u00f1\u0131ld\u0131, evelki y\u0131llarda dua Aqmescitteki Vladimir ve \u00d6lga kilsesinde ke\u00e7irile edi.<\/p>\n\n\n\n

Dua oqul\u011fan so\u00f1 kilsede bulun\u011fanlar\u011fa Q\u0131r\u0131mtatar halq\u0131 Meclisini\u00f1 reisi, Ukraina halq deputat\u0131 Mustafa Cemilev ve belli ukrain dissidenti, Ukraina 1-nci \u00e7a\u011f\u0131r\u0131l\u0131\u015f halq deputat\u0131 \u00d6les \u015eev\u00e7enko muracaat ettiler, milliy areket veteran\u0131 Veciye Ka\u015fkan\u0131\u00f1 6 ya\u015fl\u0131 torun\u0131 Elmaz Ka\u015fka P\u00f6tr Grigorenko\u011fa ba\u011f\u0131\u015flan\u011fan \u015fiirni oqud\u0131.<\/p>\n\n\n\n

“Sovetler birliginde pek \u00e7oq generallar, 300-den ziyade akademikler bar edi, amma yal\u0131\u00f1\u0131z general Grigorenko, akademikler aras\u0131ndan ise Andrey Saharov insan aqlar\u0131 o\u011frunda areket ettiler, – dedi \u00e7\u0131q\u0131\u015f\u0131n\u0131\u00f1 ba\u015f\u0131nda Meclis reisi M. Cemilev. \u2013 \u00d6z faaliyeti i\u00e7\u00fcn P. Grigorenko azap-uqubetlerge, sap-sa\u011flam insan olaraq e\u00f1 de\u015fetli iskencege o\u011frat\u0131l\u0131p, sovetler ruhiy hastahanesinde zorluqnen tedaviylendi. Amma o, er \u015feyge dayand\u0131”<\/p>\n\n\n\n

Kilsede bulun\u011fanlar\u011fa h\u0131tap eterken Mustfa Cemilev q\u0131r\u0131mtatar halq\u0131 P\u00f6tr Grigorenko\u011fa ayr\u0131ca \u00fcrmet beslegenini bildirdi. “\u00c7oq y\u0131llar devam\u0131nda o, bizim halq\u0131m\u0131zn\u0131\u00f1 tarihiy Vatan\u0131na qaytmaq aqq\u0131n\u0131 qor\u00e7alad\u0131. Petr Grigorenko Q\u0131r\u0131mtatar halq\u0131 i\u00e7\u00fcn baz\u0131 q\u0131r\u0131mtatarlar\u0131ndan ziyade i\u015f yapt\u0131 ve biz bun\u0131 i\u00e7 unutmam\u0131z. On\u0131\u00f1 ad\u0131 hat\u0131ram\u0131zda ebediy saqlanacaq”, – dep qayd etti M.
Cemilev.<\/p>\n\n\n\n

Me\u015fur cemaat erbab\u0131nen ba\u011fl\u0131 hat\u0131rlavlar\u0131nen payla\u015fqan Meclis reisi Mustafa Cemilev 1977 senesi ruhiy hastahaneden \u00e7\u0131qar\u0131l\u011fan P\u00f6tr Grigorenko\u011fa memleketni terk etip, tedaviylenmek i\u00e7\u00fcn Amerika Qo\u015fma \u015etatlar\u0131na ketmege izin berildi. L\u00e2kin pek tez arada vatanda\u015fl\u0131qtan marum etildi. “Ayn\u0131 bu vaq\u0131tta men lagerden \u00e7\u0131q\u0131p, P\u00f6tr Grigorenko ile telefon vastas\u0131nen ba\u011fland\u0131m. O: “Meni Vatan\u0131mdan ay\u0131rd\u0131lar”, dep \u00f6k\u00fcr-\u00f6k\u00fcr a\u011flamaqta edi. P\u00f6tr Grigorenko Amerikada ya\u015famaq zor ol\u011fan\u0131ndan degil, \u00f6z halq\u0131n\u0131 pek sevgeni, Vatan\u0131nda ya\u015fama\u011fa istegeni i\u00e7\u00fcn a\u011flamaqta edi. Memleketi faq\u0131r, apshaneleri ve lagerleri siyasiy mab\u00fcslerge tolu olsa da o, do\u011fup-\u00f6sken topra\u011f\u0131na qaytmaq arzus\u0131nen ya\u015fad\u0131.<\/p>\n\n\n\n

Vatan\u011fa qaytma\u011fa yasaq etkenlerinden so\u00f1 Grigorenko uquqqoruy\u0131c\u0131l\u0131q i\u015fini Amerikada devam ete, Ukraina Helsinki gruppas\u0131na yetek\u00e7ilik yapa. O \u2013 Ulu \u0130nsan, Ulu Ukrain, bu topraqn\u0131\u00f1 Ulu Evl\u00e2d\u0131 edi. Biz on\u0131 daima hat\u0131rlarm\u0131z”, – dep tekrar qayd etti M. Cemilev ve kilsede bulun\u011fanlar\u011fa dua merasimine kelgenleri i\u00e7\u00fcn Meclis ad\u0131ndan te\u015fekk\u00fcr bildirdi.<\/p>\n\n\n\n

So\u00f1ra dua merasimini\u00f1 i\u015ftirak\u00e7ileri “Smoloskip” ne\u015friyat\u0131n\u0131\u00f1 arhiv m\u00fczeyinde toplan\u0131p, dostane m\u00fcitte kene P\u00f6tr Grigorenko ile ba\u011fl\u0131 hat\u0131rlavlar\u0131n\u0131 seslendirdiler.<\/p>\n\n\n\n

\u015eun\u0131 da qayd etmeli ki, a\u00f1ma merasimleri “Q\u0131r\u0131m inki\u015faf\u0131 fondu” hayriye te\u015fkil\u00e2t\u0131n\u0131\u00f1 te\u015fkiliy qoltutuv\u0131nda ke\u00e7irildi.\u00a0Fond “Q\u0131r\u0131m asabal\u0131\u011f\u0131”\u00a0leyhas\u0131n\u0131 amelyege ke\u00e7irerek, 19-20-nci as\u0131r tarih\u0131nda parlaq iz qald\u0131r\u011fan, milliy medeniyetler ve siyasiy sistemalar inki\u015faf\u0131na isse qo\u015fqan m\u00fctefekkir \u0130smail Gasprinskiy, insanperver \u015fah\u0131slar Petr Grigorenko ve Andrey Saharovn\u0131\u00f1 asabal\u0131\u011f\u0131 tedqiq etilmesine yard\u0131m ete<\/p>\n\n\n\n