10 y\u0131l devam\u0131nda “Maarif\u00e7i” birle\u015fmesi Q\u0131r\u0131mda AQ\u015etatlarn\u0131\u00f1 ARD hayriye fondunen i\u015fbirlikte “Y\u00fcrekten \u2013 y\u00fcrekke” leyhas\u0131 \u00e7er\u00e7ivesinde faaliyet k\u00f6stermekte.<\/p>\n\n\n\n
Maarif\u00e7iler ARDi taraf\u0131ndan ketirilgen yard\u0131mlarn\u0131 mektep, bala bah\u00e7alar\u0131na, internat, saqatlar evi ve cemaat te\u015fkil\u00e2tlar\u0131na yetkizeler.<\/p>\n\n\n\n
Milliy Meclis medeniyet ve tasil idaresini\u00f1 m\u00fcdiri, “Maarif\u00e7i” birle\u015fmesini\u00f1 reisi Safure Kacametova \u2013 Q\u0131r\u0131m Yuqar\u0131 \u015euras\u0131n\u0131\u00f1 deputat\u0131 olaraq, Y\u0131lba\u015f arfesi em de Ya\u00f1\u0131 y\u0131ln\u0131\u00f1 ilk afta k\u00fcnleri Q\u0131r\u0131mn\u0131\u00f1 bir s\u0131ra bala ba\u011f\u00e7alar\u0131, mekteplerini ziyaret etip, tasil hadimlerinen k\u00f6r\u00fc\u015fti ve olarn\u0131\u00f1 al-eval\u0131, faaliyeti ve oquv m\u00fcessiselerini\u00f1 problemlemli meselelerinen yaq\u0131ndan tan\u0131\u015f old\u0131. O, er bir k\u00f6terilgen meseleni diqqatnen di\u00f1lep, elinden kelgenince yard\u0131m etecegini bildirdi.<\/p>\n\n\n\n
Safure Kacametova er bir bulun\u011fan ba\u011f\u00e7a-mektepte QYU\u015euras\u0131 taraf\u0131ndan 20.10.2010 senesi qabul etilgen ” QMCumhuriyetinde q\u0131r\u0131mtatar tilinde tasil k\u00f6ntseptsiyas\u0131” esas\u0131nda devlet programmas\u0131 qabul etilgence, er kes mes\u00fclietli emeginen milliy tasilimizni ileri inki\u015faf\u0131na issesini qo\u015faca\u011f\u0131na i\u015fan\u00e7 bildirdi ve tasil hadimlerini Ya\u00f1\u0131 Y\u0131lnen hay\u0131rlap, aman-esenlikler em de maarif faaliyetlerinde y\u00fcksek neticelerge iri\u015fmelerini tiledi.<\/p>\n\n\n\n
O, er bar\u011fan oquv m\u00fcessise pedagogika kollektivini\u00f1 oca ve terbiyecilerine hayriye yard\u0131m\u0131 al\u0131p bard\u0131 em de bu i\u015f devam etilecegi, kelecekte i\u015fbirlik munasebetleri \u00fcz\u00fclmeycegini qayd etti.<\/p>\n\n\n\n
Ya\u015f nesilni\u00f1 terbiyesi, bala ba\u011f\u00e7alar\u0131n\u0131\u00f1 ve mekteplerni\u00f1 muhtaclar\u0131 aqq\u0131nda al\u0131p bar\u0131l\u011fan subet-k\u00f6r\u00fc\u015fuvlern\u0131\u00f1 so\u00f1unda, er bir yerde \u2013 m\u00fcdirler, terbiyeciler ve ocalar QYU\u015e\u00f1 deputat\u0131 Safure Kacametova\u011fa ve ARD hayriye fonduna ay\u0131r\u0131l\u011fan diqqat ve yap\u0131l\u011fan yard\u0131mlar i\u00e7\u00fcn te\u015fekk\u00fcr bildirdiler.<\/p>\n\n\n\n
![\"\"](\"http:\/\/qtmm.org\/wp-content\/uploads\/2022\/01\/4f06fcf9ae1ad.jpeg\")
<\/a><\/figure><\/li>