{"id":27585,"date":"2011-12-14T22:50:00","date_gmt":"2011-12-14T19:50:00","guid":{"rendered":"http:\/\/qtmm.org\/?p=27585"},"modified":"2022-01-19T22:58:30","modified_gmt":"2022-01-19T19:58:30","slug":"16-qirimtatar-mektebinin-maddiy-tehnikiy-bazasi-pekitildi","status":"publish","type":"post","link":"https:\/\/qtmm.org\/qt\/16-qirimtatar-mektebinin-maddiy-tehnikiy-bazasi-pekitildi\/","title":{"rendered":"16 q\u0131r\u0131mtatar mektebini\u00f1 maddiy-tehnikiy bazas\u0131 pekitildi"},"content":{"rendered":"\n

Q\u0131r\u0131m Muhtar Cumhuriyetinde q\u0131r\u0131mtatar mekteplerinde q\u0131r\u0131mtatar tilinde tasil ceryan\u0131n\u0131\u00f1 inki\u015faf\u0131na siltem bergen maddiy-tehnikiy bazalar\u0131n\u0131 pekitmek maqsad\u0131nda “Maarif\u00e7i” birle\u015fmesi ve “Alraid” b\u00fct\u00fcnukrain cemaat te\u015fkil\u00e2tlar\u0131 birle\u015fmesi Q\u0131r\u0131mtatar halq\u0131 Meclisini\u00f1 reberliginde ve\u00a0\u0130sl\u00e2m \u0130nki\u015faf bank\u0131n\u0131\u00f1\u00a0maliyeviy qoltutuv\u0131nda 2009-2010 seneleri “Q\u0131r\u0131mtatar tilinde oqut\u0131l\u011fan mekteplerni\u00f1 maddiy-tehnikiy bazas\u0131n\u0131 pekit\u00fcv” leyhas\u0131n\u0131 amelge ke\u00e7irdiler.

Leyha 2010 senesi 9 mektep<\/strong>\u00a0– Ba\u011f\u00e7asaraydaki 5-nci, Ba\u011f\u00e7asaray rayon\u0131 Alma-Tarhan k\u00f6y\u00fcndeki 2-nci, Ba\u011f\u00e7asaray rayon\u0131 K\u00fc\u00e7\u00fck Ya\u015flav k\u00f6y\u00fcndeki 18-nci, Kezlev \u015feeri \u0130smail\u2013bey qasabas\u0131ndaki milliy, Qarasuvbazar rayon\u0131 Zuya qasabas\u0131ndaki 2-nci, Cank\u00f6y rayon\u0131 Zare\u00e7noye k\u00f6y\u00fcndeki, \u0130\u00e7ki qasabas\u0131ndaki 3-nci, Eski Q\u0131r\u0131m \u015feerindeki 2-nci ve Sudaq \u015feerindeki 3-nci mekteplerni qavrap ald\u0131.

Leyha \u00e7er\u00e7ivesinde a\u015fa\u011f\u0131daki i\u015fler yap\u0131ld\u0131:<\/strong>

– mekteplerni\u00f1 t\u0131\u015fq\u0131 divarlar\u0131 tamirlendi;<\/p>\n\n\n\n

– mekteplerni\u00f1 i\u00e7ersindeki binalar tamir etildi;<\/p>\n\n\n\n

– ayatlar\u0131ndaki t\u00f6\u015femeler de\u00f1i\u015ftirildi;<\/p>\n\n\n\n

– pencere ve qap\u0131lar demir plastik soylar\u0131na de\u00f1i\u015ftirildi.<\/p>\n\n\n\n

Mektepler i\u00e7\u00fcn sat\u0131n al\u0131nd\u0131:<\/strong><\/p>\n\n\n\n


– usul ve s\u0131n\u0131f odalar\u0131 i\u00e7\u00fcn mebel;<\/p>\n\n\n\n

– zarur orttehnika;<\/p>\n\n\n\n

– fizika, himiya, biologiya kabinetleri i\u00e7\u00fcn donatma;<\/p>\n\n\n\n

– kitaplar;<\/p>\n\n\n\n

– bilgisayar s\u0131n\u0131f\u0131;<\/p>\n\n\n\n

– o\u011flan ve q\u0131z balalar i\u00e7\u00fcn emek dersleri ke\u00e7irilgen oquv ustahaneleri;<\/p>\n\n\n\n

– sport zallar\u0131;<\/p>\n\n\n\n

– tibbiy kabinet;<\/p>\n\n\n\n

– a\u015fhane;<\/p>\n\n\n\n

– yard\u0131mc\u0131 in\u015faatlar.


Sudaq ve Ba\u011f\u00e7asaray mekteplerinde ta\u015fland\u0131q ma\u011fazlar trenaj\u00f6r zal\u0131, oquv ustahane ve a\u015fhane i\u00e7\u00fcn keli\u015ftirip tamir etildi. Eski Q\u0131r\u0131m ve Ba\u011f\u00e7asaray \u015feerindeki 5-nci mektep qoralan\u0131p, ya\u00f1\u0131 azbar qap\u0131lar qoyuld\u0131.

\u0130\u015fler bitken so\u00f1 mekteplerde bularn\u0131\u00f1 taqdimi \u00f6tkerildi.

2011 senesi “Alraid” ve “Maarif\u00e7i” ortaq birle\u015fmeler “Q\u0131r\u0131mtatar tilinde oqut\u0131l\u011fan mekteplerni\u00f1 maddiy-tehnikiy bazas\u0131n\u0131 pekit\u00fcv” leyhas\u0131n\u0131\u00f1 ba\u015flan\u011f\u0131\u00e7 tran\u015f\u0131n\u0131\u00f1 amelge ke\u00e7irilmesini so\u00f1una yetkizdiler. Bu y\u0131l ke\u00e7ken y\u0131ldakisi qadar i\u015f yap\u0131ld\u0131.

Leyha a\u015fa\u011f\u0131daki mekteplerni qavrap ald\u0131:<\/strong>

– Aqmescit rayon\u0131 Bul\u011fanaq k\u00f6y\u00fcndeki 2-nci;<\/p>\n\n\n\n

– Cur\u00e7\u0131 rayon\u0131na Sar\u0131-Ba\u015f qasabas\u0131ndaki;<\/p>\n\n\n\n

– Cank\u00f6y rayon\u0131 Mayskoye k\u00f6y\u00fcndeki;<\/p>\n\n\n\n

– Qurman rayon\u0131 B\u00fcy\u00fck-Onlar k\u00f6y\u00fcndeki 3-nci;<\/p>\n\n\n\n

– Qarasuvbazar \u015feeri 4-nci;<\/p>\n\n\n\n

– Qarasuvbazar rayon\u0131 Alevki k\u00f6y\u00fcndeki;<\/p>\n\n\n\n

– Aqmescit \u015feerindeki 42-nci mektep.

“Alraid” b\u00fct\u00fcnukrain cemaat te\u015fkil\u00e2tlar\u0131 birle\u015fmesini\u00f1 ba\u015f direktor\u0131, Islamicdevelopment vekili doktor \u0130smail Qad\u0131 leyha \u00e7er\u00e7ivesinde yap\u0131l\u011fan i\u015flerni qabul etmek i\u00e7\u00fcn dekabr 12 k\u00fcn\u00fc Q\u0131r\u0131m\u011fa keldi. Eki k\u00fcn devam\u0131nda 7 mektepte yap\u0131l\u011fan i\u015fler taqdim olund\u0131.

Ke\u00e7ken senedekisi kibi taqdimde \u00e7e\u015fit seviyedeki deputatlar, Milliy Meclis ve yerli meclisler, Q\u0131r\u0131m musulmanlar\u0131 diniy idaresi, rayon ve \u015feer devlet memuriyetleri, rayon, \u015feer ve k\u00f6y \u015furalar\u0131, Q\u0131r\u0131m Tasil nazirligi, rayon ve \u015feer maarif idarelerini\u00f1 vekilleri, ana-babalar ve cemaat\u00e7\u0131l\u0131q i\u015ftirak etip, leyhan\u0131\u00f1 reberleri – “Alraid” b\u00fct\u00fcnukrain cemaat te\u015fkil\u00e2tlar\u0131 birle\u015fmesi Q\u0131r\u0131m b\u00f6l\u00fcgini\u00f1 reisi Muhammed Taha ve “Maarif\u00e7i” q\u0131r\u0131mtatar maarif\u00e7ileri birle\u015fmesini\u00f1 reisi, Q\u0131r\u0131m Yuqar\u0131 \u015euras\u0131n\u0131\u00f1 deputat\u0131 Safure Kacametova\u011fa te\u015fekk\u00fcrlerini bildirdiler.

Mekteplerde taqdim merasimlerinde er bir talebege “Alraid” birle\u015fmesinden bah\u015f\u0131\u015f berildi.

Mekteplerdeki bayram\u011fa kelgen qartlar Vatan\u011fa qayt\u0131p, yerle\u015f\u00fcv me\u015faqatlar\u0131n\u0131 \u00e7ekken q\u0131r\u0131mtatar halq\u0131na b\u00f6yle b\u00fcy\u00fck yard\u0131mda bulun\u011fan \u0130sl\u00e2m \u0130nki\u015faf bank\u0131n\u0131\u00f1 yolba\u015f\u00e7\u0131lar\u0131na k\u00f6z ya\u015flar\u0131 ile minnetdarl\u0131q bildirdiler.<\/p>\n\n\n\n