Q\u0131r\u0131m Yuqar\u0131 \u015euras\u0131n\u0131\u00f1 deputatlar\u0131 rey berip Anatoliy Mogil\u00f6vn\u0131 Q\u0131r\u0131m Nazirler \u015euras\u0131n\u0131\u00f1 reisi s\u0131fat\u0131nda tasdiqlad\u0131lar. Ait qarar noyabr 8 k\u00fcn\u00fc Q\u0131r\u0131m Yuqar\u0131 \u015euras\u0131 6-nc\u0131 \u00e7a\u011f\u0131r\u0131l\u0131\u015f\u0131 \u00fc\u00e7\u00fcnci sessiyas\u0131n\u0131\u00f1 nevbetten t\u0131\u015f topla\u015fuv\u0131nda qabul etildi.<\/p>\n\n\n\n
Mezk\u00fcr topla\u015fuvda \u00e7\u0131q\u0131\u015fta bulun\u011fan “Qurultay-Ruh” deputat fraktsiyas\u0131n\u0131\u00f1 ba\u015f\u0131, Meclis reisini\u00f1 birinci muavini Refat \u00c7ubarov b\u00f6yle dedi:<\/p>\n\n\n\n
“A\u00f1la\u015f\u0131la ki, Ukraina Prezidenti ile keli\u015filgen bu namzetke Q\u0131r\u0131m Yuqar\u0131 \u015euras\u0131nda \u00e7oqluq qoltutar. Deputatlarn\u0131\u00f1 bir q\u0131sm\u0131 rey bermez ve bun\u0131\u00f1 da sebepleri bar. L\u00e2kin, Q\u0131r\u0131m Nazirler \u015euras\u0131n\u0131\u00f1 reisi boyunca mesele \u00e7ezilgende er birimiz bu meseleni Q\u0131r\u0131m ealisini raats\u0131zla\u011fan bir \u00e7oq meselelernen ba\u011flamam\u0131z \u015fart. \u00c7\u00fcnki Q\u0131r\u0131mn\u0131\u00f1 \u00e7oqmilletli, \u00e7e\u015fit dinlerge mens\u00fcp, \u00e7e\u015fit tillerde qonu\u015fqan ealisi \u00f6z bala ve torunlar\u0131na eyi \u00f6m\u00fcrni istey.<\/em><\/strong><\/p>\n\n\n\n Demek, Q\u0131r\u0131m Ba\u015f naziri boyunca qararn\u0131 qabul eterkenmiz, biz devlet merkeziy akimiyet organlar\u0131n\u0131\u00f1 Q\u0131r\u0131m\u011fa bug\u00fcnki ve kelecekteki siyaseti aqq\u0131nda bilmelimiz. Vaq\u0131t tarl\u0131\u011f\u0131 sebebinden, b\u00f6yle meselelerni\u00f1 tek birisinde \u2013 yani milliy mens\u00fcpligine k\u00f6re s\u00fcrg\u00fcn etilgen q\u0131r\u0131mtatarlarn\u0131\u00f1 qaytar\u0131luv\u0131, yerle\u015ftiril\u00fcvi probleminde toqtalmaq isteyim.<\/em><\/strong><\/p>\n\n\n\n Say\u011f\u0131l\u0131 zenaatda\u015flar\u0131m, 2010 senesi dekabr 22-de so\u00f1ra 2011 senesi may\u0131s 18-de biz sizlernen beraber Q\u0131r\u0131m Yuqar\u0131 \u015euras\u0131n\u0131\u00f1 Ukraina Prezidenti, Ukraina Yuqar\u0131 \u015euras\u0131 ve Ukraina Nazirler Kabineti ad\u0131na muracaatn\u0131 qabul etip, onda q\u0131r\u0131mtatarlar toplu ya\u015fa\u011fan ve e\u00f1 adiy \u015faraitleri bile olma\u011fan 300 qasaban\u0131\u00f1 abadanla\u015f\u0131t\u0131r\u0131lmas\u0131na, Vatan\u011fa qayqan on bi\u00f1lernen insanlarn\u0131\u00f1 yerle\u015ftirilmesine ameliy yard\u0131m sora\u011fan edik.<\/em><\/strong><\/p>\n\n\n\n Bizim muracaatlar\u0131z\u011fa qulaq asqan olmad\u0131. Ukraina Devlet b\u00fccetinde bu maqsadlar\u011fa ol\u011fan\u0131-olaca\u011f\u0131 23 million grivn\u00e2 ay\u0131r\u0131lmas\u0131 k\u00f6zde tutul\u0131p, olardan bug\u00fcnge qadar ancaq 10 million\u0131 kelip \u00e7\u0131qt\u0131.<\/em><\/strong><\/p>\n\n\n\n Biz, Q\u0131r\u0131m deputatlar\u0131 ve Q\u0131r\u0131m Nazirler \u015furas\u0131 Ukraina deputatlar\u0131nen birlikte Ukraina Devlet b\u00fccetini\u00f1 2012 senesi leyhas\u0131na kirsetilecek tekliflerimizni vaqt\u0131nda az\u0131rlap yollad\u0131q.<\/em><\/strong><\/p>\n\n\n\n Bu teklifler e\u00f1 zarur \u00e7arelerni qavrap ald\u0131 ki, olars\u0131z bir \u00e7oq insanlar pek a\u011f\u0131r vaziyette, daa da do\u011frus\u0131 soqaqta qala bilirler. Kezlevdeki evlerni\u00f1 birisini\u00f1 ma\u011faz\u0131nda endi on be\u015f y\u0131ldan berli ya\u015fap kelgen insanlar okt\u00e2br 26 k\u00fcn\u00fc ya\u015f balalar\u0131 ve s\u00fcrg\u00fcnlikni ba\u015f\u0131ndan ke\u00e7irgen qartlar\u0131 ol\u011fan aileler t\u0131\u015far\u0131 quvuld\u0131lar.<\/em><\/strong><\/p>\n\n\n\n \u00dcrmetli Nikolay Yanovi\u00e7!<\/em><\/strong><\/p>\n\n\n\n Ukraina Prezidenti Anatoliy Mogil\u00f6vn\u0131\u00f1 namzetini Q\u0131r\u0131m Nazirler \u015furas\u0131 reisi olmas\u0131n\u0131 keli\u015fti. Ukraina Nazirler Kabinet ive \u015fahsen Siz bu\u00f1a qoltutt\u0131\u00f1\u0131z. Bu s\u0131rada men ve menim meslekde\u015flerimni bir sual raats\u0131zlamaqta \u2013 merkezni\u00f1 b\u00f6yle qarar\u0131 Ukraina \u00fck\u00fcmetini\u00f1 q\u0131r\u0131mtatar halq\u0131na ait endi \u00e7oqtan toplan\u011fan meselelerni \u00e7ez\u00fcvge ne derecede siltem olur? Em de degil tek sotsial saada, bun\u0131\u00f1 kibi de gumanitar ve uquqiy saalarda da.<\/em><\/strong><\/p>\n\n\n\n L\u00e2kin, Ukraina Devlet b\u00fccetini\u00f1 2012 senesine leyhas\u0131n\u0131\u00f1 birinci kere oqul\u0131\u015f\u0131 bizni kederlendirdi. S\u00fcrg\u00fcn olun\u011fan insanlarn\u0131 yerle\u015ftirmek programmas\u0131na ancaq 25 million grivn\u00e2 ay\u0131r\u0131lmas\u0131 planla\u015ft\u0131r\u0131l\u011fan, albu ki Q\u0131r\u0131m ve Ukraina halq deputatlar\u0131 kirsetken tekliflerni\u00f1 amelge ke\u00e7irilmesine e\u00f1 azdan 140-145 million grivn\u00e2 zarur.<\/em><\/strong><\/p>\n\n\n\n \u00dcrmetli Nikolay Yanovi\u00e7!<\/em><\/strong><\/p>\n\n\n\n Sessiya bitken so\u00f1 Siz Anatoliy Mogil\u00f6vn\u0131 Q\u0131r\u0131m Nazirler \u015euras\u0131n\u0131\u00f1 kollektivine taqdim eteceksi\u00f1iz. Men Siz – Ukraina Ba\u015f nazirinden, q\u0131r\u0131mtatarlarn\u0131 qaytaruv, yerle\u015ftir\u00fcv ve uquqlar\u0131n\u0131 \u011fayr\u0131dan tiklev meselesi boyunca Ukraina Nazirler kabinetini\u00f1 noqtai-nazar\u0131n\u0131 da ifade etme\u00f1izni rica etem. Q\u0131r\u0131m i\u00e7ersindeki vaziyetke kelsek, men ve “Qurultay-Ruh” deputat fraktsiyas\u0131 boyunca meslekde\u015flerim, er angi meseleni ad\u0131m-ad\u0131m \u00e7ezmekni\u00f1 yek\u00e2ne ve e\u00f1 semereli yolu dialogd\u0131r, degen fikirdemiz. Em akimiyet ve cemiyet aras\u0131ndaki musaviy dialog! Biz Q\u0131r\u0131mda da ayn\u0131 b\u00f6yle dialogn\u0131 bekleymiz. Q\u0131r\u0131m\u0131m\u0131z \u00e7e\u00e7eklenmesini isteymiz”.<\/em><\/strong><\/p>\n\n\n\nHaberlerge video<\/h1>\n\n\n\n