T\u00fcnevin musulmanlarn\u0131\u00f1 mubarek Ramazan ay\u0131 bitip, \u00fc\u00e7 k\u00fcn devam etken Oraza bayram\u0131 ba\u015fland\u0131. On\u0131 q\u0131r\u0131mtatarlar\u0131 da qayd eteler. Saba erte erkekler, \u015fu c\u00fcmleden bala\u00e7\u0131qlar da yaq\u0131n etraftaki camilerge bayram namaz\u0131na bard\u0131lar. “Segodn\u00e2” \u015fularn\u0131\u00f1 birisi \u2013 Ba\u011f\u00e7asaray \u015feeri 6-nc\u0131 mikrorayondaki camide bulund\u0131. M\u0131nda namaz q\u0131lmaq i\u00e7\u00fcn 15 daqqa erte Meclisni\u00f1 reisi Mustafa Cemilev de keldi.<\/p>\n\n\n\n
Yerli sakinler on\u0131\u00f1 aqq\u0131nda tek eyi s\u00f6zler ayt\u0131p, on\u0131 er cuma ve bayram namaz\u0131na kelgen dindar bir insan, dep \u00fcrmet eteler. “O, adetlerimizni k\u00fctmege t\u0131r\u0131\u015fa, dey ba\u011f\u00e7asarayl\u0131 Seyran Saliyev. \u2013 Mustafa-a\u011fa adamlar\u011fa maddiy yard\u0131m bere, hasta balalarn\u0131 qay\u011f\u0131ra. \u0130nsan olaraq, Cemilev pek cesaretli, kommunist partiyas\u0131na o e\u00f1 k\u00fc\u00e7l\u00fc ol\u011fan devirde qar\u015f\u0131 \u00e7\u0131qma\u011fa qorqmad\u0131, orduda h\u0131zmet etmekten ba\u015f \u00e7ekti. Bu i\u015f er kesni\u00f1 elinden kelmez. K\u00fcnl\u00fck \u00f6m\u00fcrimizde Mustafa-a\u011fa pek sade insan, o\u00f1a er angi ricanen muracaat etmek m\u00fcmk\u00fcn. Bo\u015f vaqt\u0131 ol\u011fanda biznen qonu\u015fa, amma a\u015f\u0131qqanda kimseni k\u00f6rmey”\u2026<\/p>\n\n\n\n
M\u0131na namaz da bitti. Namaz q\u0131l\u011fanlar \u00e7\u0131q\u0131\u015fta qoyul\u011fan \u0130hsan qutus\u0131na para ta\u015flay. Kimisi – 20, ba\u015fqas\u0131 \u2013 200 grivn\u00e2. Cemilevni bek\u00e7isi qar\u015f\u0131lap ald\u0131. T\u0131\u015far\u0131 \u00e7qqan\u0131nen tan\u0131\u015flar\u0131n\u0131 k\u00f6rgen Mustafa-a\u011fa sel\u00e2mla\u015ft\u0131 ve lafqa tutuld\u0131. Bir qa\u00e7 daqqadan ise kenar\u011fa \u00e7ekilip t\u00fct\u00fcn yaqt\u0131. <\/p>\n\n\n\n
– Mustafa-a\u011fa, bayramn\u0131 nas\u0131l qayd etesi\u00f1iz?<\/em><\/p>\n\n\n\n – Adettekisi kibi. Sabadan ana-baba qabirini ziyaret etip, ruhlar\u0131na dua oqud\u0131m. So\u00f1ra evge qayt\u0131p, musafir qar\u015f\u0131lad\u0131m. Aqrabalar\u0131m ve yaq\u0131n arqada\u015flar\u0131m keldi. Yaz\u0131q ki, Q\u0131r\u0131mda Ba\u011f\u00e7asarayda defn etilgen anam Mahfureni\u00f1 mezar\u0131n\u0131 ziyaret etip olam. Babam \u2013 Abdulcemil \u2013 \u00d6zbekistanda c\u0131y\u0131ld\u0131, s\u00fcrg\u00fcnlikten \u00f6yle de qayt\u0131p kelmedi.<\/p>\n\n\n\n Adeti \u00fczre bu k\u00fcnlerde soy-aqrabalar bir-birlerini yoqlaylar, hay\u0131rlaylar. Aq\u015fam\u011fa mecliske kettim \u2013 anda azalar\u0131m\u0131z toplan\u0131p, biri-birimizni bayramnen hay\u0131rlad\u0131q. Muhtac insanlar\u011fa yard\u0131m etemiz. \u00d6ks\u00fczlerni sevindirmek \u2013 pek b\u00fcy\u00fck savap. Deputat maa\u015f\u0131 bu\u00f1a imk\u00e2n bere.<\/p>\n\n\n\n – Ramazanda oraza tut\u0131p old\u0131\u00f1\u0131zm\u0131?<\/em><\/p>\n\n\n\n – Er y\u0131l\u0131 tutam. Eger t\u00fct\u00fcn i\u00e7mek m\u00fcmk\u00fcn olsa, asl\u0131 da b\u00fct\u00fcn \u00f6m\u00fcrim oraza tutar edim. Ma\u00f1a i\u00e7 q\u0131y\u0131nl\u0131\u011f\u0131 yoqt\u0131r, \u00f6z vaqt\u0131nda, a\u00e7l\u0131q tutqan\u0131mda men 303 ku\u00f1 i\u00e7 bir \u015fey a\u015famad\u0131m. Vucud\u0131m b\u00f6yle s\u0131nav\u011fa al\u0131\u015ft\u0131.<\/p>\n\n\n\n – Bayram sofras\u0131nda ne olacaq?<\/em><\/p>\n\n\n\n – \u015eimdi bollul\u0131q: bayram olsun, bayram olmas\u0131n farq\u0131 yoqt\u0131r. Ebet, musafirler kelecegini bilip, lezetli yemekler, yani \u00e7iberek, milliy a\u015flar pi\u015firmege t\u0131r\u0131\u015fam\u0131z. Kebab yapma\u011fa vaq\u0131t yoq.<\/p>\n\n\n\n – Refiqa\u00f1\u0131z Safinar usta a\u015f\u00e7\u0131d\u0131r ebet?<\/em><\/p>\n\n\n\n – Yah\u015f\u0131 a\u015f pi\u015firgenini bilip o\u00f1a evlendim.<\/p>\n\n\n\n – Bayram a\u015flar\u0131ndan nelerni ziyade sevesi\u00f1iz?<\/em><\/p>\n\n\n\n – Bu bayram a\u015f\u0131, bu bayram a\u015f\u0131 degil, dep a\u015f saylamay\u0131m. Qad\u0131n\u0131m ne az\u0131rla\u011fan olsa, on\u0131 a\u015fay\u0131m. Em a\u015fqa pek \u0131nc\u0131q degilim, \u00e7oq y\u0131llar\u0131mn\u0131 yah\u015f\u0131 a\u015f berilmegen yerlerde ke\u00e7irdim.<\/p>\n\n\n\n – Bayramnen ba\u011fl\u0131 e\u00f1 ayd\u0131n hat\u0131ra\u00f1\u0131z \u2013 balal\u0131qtam\u0131 ya da b\u00fcy\u00fcgen so\u00f1m\u0131?<\/em><\/p>\n\n\n\n – Diniy bayramlar biz i\u00e7\u00fcn daima ayd\u0131n k\u00fcnlerdir. Sovetler devirinde diniy bayramlar yasaq edi, camige bar\u011fanlar taz\u0131y\u0131q al\u0131r, s\u00f6g\u00fc\u015f a\u015far ediler. L\u00e2kin, ep bir olar aq\u0131l\u0131m\u0131zda qald\u0131. Bu bayramlarn\u0131 sab\u0131rs\u0131zl\u0131qnen bekley edik \u2013 temiz urba, ya\u00f1\u0131 parusin ayaqqaplar. Olar e\u00f1 ucuz olsa da, ya\u00f1\u0131 ediler. <\/p>\n\n\n\n – Siz sovetlerge qar\u015f\u0131 faaliyeti\u00f1iz i\u00e7\u00fcn 15 sene parmaql\u0131q art\u0131nda ke\u00e7irdi\u00f1iz. Anda bayramn\u0131 qayd etip ola edi\u00f1izmi?<\/em><\/p>\n\n\n\n – Bayram k\u00fcnleri meni, kimse kelmesin, \u015famata \u00e7\u0131qarmas\u0131n, diye izol\u00e2tor yani ceza odas\u0131na qapat\u0131r ediler. M\u0131tlaqa bir mana\u00e7\u0131q t\u00fc\u015f\u00fcnip \u00e7\u0131qara ediler. Siyasiy mahb\u00fcsler i\u00e7\u00fcn bayram k\u00fcnleri e\u00f1 a\u011f\u0131r k\u00fcnler edi: er kesni tinte, rejimni daa da sertle\u015ftire ediler. Eger ba\u015fqa k\u00fcnleri lagerde er kes biri-birine musafirlikke bar\u0131p, \u00e7ay i\u00e7seler, bayram k\u00fcnleri b\u00fct\u00fcn bular yasaq etildi. Apste bu adiy bir al. Amma, cinayet\u00e7iler b\u00f6yle vaq\u0131tta da \u00e7aresini tap\u0131p, raq\u0131 ve afyon i\u00e7e ediler. Siyasiyler ise ayr\u0131ca nezaret alt\u0131nda ediler<\/p>\n\n\n\n – Oraza bayram s\u00fcrg\u00fcnlikte nas\u0131l qayd etile edi?<\/em><\/p>\n\n\n\n – Adette, \u00d6zbekistanda camige barmay ediler. \u0130mamlar gebecilerni\u00f1 casuslar\u0131 edi. Yar\u0131mada\u011fa qaytqan so\u00f1 ayn\u0131 \u015fu mollalar akimlerni\u00f1 emirine boysun\u0131p, q\u0131pr\u0131mtatarlar\u011fa qar\u015f\u0131 i\u015f\u00e7 al\u0131p bard\u0131lar. \u015eun\u0131\u00f1 i\u00e7\u00fcn de \u00e7oqus\u0131 q\u0131r\u0131mtatarlar evlerinde namaz q\u0131l\u0131p, mezarl\u0131qqa bara ve so\u00f1ra musafir qar\u015f\u0131lar ediler. Q\u0131r\u0131mda ise bayramn\u0131\u00f1 birinci k\u00fcn\u00fc olmasa da, ekinci k\u00fcn\u00fc m\u0131tlaqa balaban bayramlar yapmaq ananesi peyda old\u0131, yar\u0131n Aqmescitte b\u00f6yle tantana ke\u00e7irilecek.<\/p>\n\n\n\n