{"id":25153,"date":"2011-08-12T22:40:00","date_gmt":"2011-08-12T19:40:00","guid":{"rendered":"http:\/\/qtmm.org\/?p=25153"},"modified":"2022-01-18T22:43:36","modified_gmt":"2022-01-18T19:43:36","slug":"meclis-reisi-m-cemilevnin-turkiye-cumhuriyetine-ziyareti","status":"publish","type":"post","link":"https:\/\/qtmm.org\/qt\/meclis-reisi-m-cemilevnin-turkiye-cumhuriyetine-ziyareti\/","title":{"rendered":"Meclis reisi M.Cemilevni\u00f1 T\u00fcrkiye Cumhuriyetine ziyareti"},"content":{"rendered":"\n

Delegatsiya erk\u00e2n\u0131na Meclis reisini\u00f1 T\u00fcrkiye ile al\u00e2qalar boyunca yard\u0131mc\u0131s\u0131 \u0130smet Y\u00fcksel ve Kiyevde q\u0131r\u0131mtatar cemiyetini\u00f1 reisi, M. Cemilevni\u00f1 yard\u0131mc\u0131s\u0131 Aslan \u00dcmerov da kirdiler.<\/p>\n\n\n\n

Avgust 8-de \u0130stanbul ava liman\u0131nda delegatsiyan\u0131 T\u00fcrkiye Cumhuriyeti Nazirler \u015furas\u0131 yan\u0131nda Yurt t\u0131\u015f\u0131nda ya\u015fa\u011fan t\u00fcrklerni\u00f1 i\u015fleri baqanl\u0131\u011f\u0131n\u0131\u00f1 reberleri, \u0130stanbul q\u0131r\u0131mtatar medeniy ve yard\u0131mla\u015fma dernegini\u00f1 ba\u015f\u0131 Cel\u00e2l \u0130\u00e7ten, q\u0131r\u0131mtatar medeniyet ve yard\u0131mla\u015fma dernegini\u00f1 Ankaradaki umumiy merkez azalar\u0131 qar\u015f\u0131lap ald\u0131lar.<\/p>\n\n\n\n

Avgust 9 k\u00fcn\u00fc Meclis reisi Mustafa Cemilevni T\u00fcrkiye Cumhuriyeti Nazirler \u015furas\u0131 yan\u0131nda T\u00fcrklerni\u00f1 i\u015fleri baqan\u0131 Kemal Yurtna\u00e7 qabul etti. T\u00fcrkiye Cumhuriyeti Nazirler \u015furas\u0131 yan\u0131nda T\u00fcrklerni\u00f1 i\u015fleri baqan\u0131n\u0131\u00f1 muavini Mehmet K\u00f6se ve baqanl\u0131q hadimleri de bulun\u011fan \u015fu k\u00f6r\u00fc\u015f\u00fcvde Baqanl\u0131q faaliyetine ve Q\u0131r\u0131mda amelge ke\u00e7irile bilecek leyhalar\u011fa ait meseleler muzakere etildi.<\/p>\n\n\n\n

Kemal Yurta\u00e7 ve Mehmet K\u00f6se ile beraber Q\u0131r\u0131m delegatsiyas\u0131n\u0131 T\u00fcrkiye Cumhuriyeti Ba\u015f nazirini\u00f1 T\u0130KA, Din ve Yurt t\u0131\u015f\u0131nda ya\u015fa\u011fan t\u00fcrklerni\u00f1 i\u015fleri \u0130dareni\u00f1 ba\u015f\u0131 Bekir Bozda\u011f da qabul etti. Mustafa Cemilev ba\u015f nazir muavinine ya\u00f1\u0131 vazifede muvafaqiyetler tiledi. K\u00f6r\u00fc\u015f\u00fcv devam\u0131nda T\u00fcrkiye Cumhuriyetini\u00f1 Q\u0131r\u0131mda amelge ke\u00e7irgen leyhalar\u0131 aqq\u0131nda laq\u0131rd\u0131 etildi. Bozda\u011f T\u00fcrkiye Cumhuriyeti kelecekte de \u00f6z tarihiy vatan\u0131nda yerle\u015feyatqan q\u0131r\u0131mtatar halq\u0131na yard\u0131m etmekni devam etecegini i\u015fand\u0131rd\u0131.<\/p>\n\n\n\n

Ayn\u0131 \u015fu k\u00fcn\u00fc Meclis reisi Mustafa Cemilev T\u00fcrkiye Cumhuriyeti \u0130lim, sanay\u0131 ve tehnologiya naziri Nihat Erg\u00fcn ile k\u00f6r\u00fc\u015fti. K\u00f6r\u00fc\u015f\u00fcvde Ba\u011f\u00e7asarayda sanay\u0131 park\u0131n\u0131\u00f1 quruc\u0131l\u0131\u011f\u0131 meselesi muzakere olund\u0131. Erg\u00fcn bu meselede yard\u0131mc\u0131 olmaqn\u0131 i\u015fand\u0131r\u0131p, ba\u015fta leyhan\u0131 az\u0131rlamaq ve i\u015f\u00e7i gruppas\u0131n\u0131 te\u015fkil etmek kerekligini qayd etti.<\/p>\n\n\n\n

T\u00fcrkiyege i\u015f ziyareti \u00e7er\u00e7ivesinde Mustafa Cemilev bun\u0131\u00f1 kibi de T\u0130KA idaresinde de bulund\u0131. T\u0130KA ba\u015fqan\u0131 Serdar \u00c7ama resmiy ziyaretnen Afrikada ol\u011fan\u0131 sebebinden delegatsiyan\u0131 T\u0130KA ba\u015fqan\u0131n\u0131\u00f1 yard\u0131mc\u0131lar\u0131 ve ekspertler qabul ettiler. Taraflar T\u0130KA Q\u0131r\u0131mda \u00f6m\u00fcrge ke\u00e7irgen ve ke\u00e7irmekni planla\u015ft\u0131r\u011fan leyhalarn\u0131 baqt\u0131lar. Bun\u0131\u00f1 kibi de meskenge muhtac q\u0131r\u0131mtatarlarn\u0131 evlernen teminlev programmas\u0131n\u0131 canland\u0131rmaq, T\u0130KAn\u0131\u00f1 Ukrainada ofisini resmiyle\u015ftirmek, ya\u00f1\u0131 milliy mekteplerni qurmaq, Bor\u00e7oqraq qasabas\u0131ndaki milliy mektep quruc\u0131l\u0131\u011f\u0131n\u0131 so\u00f1una yetkizmek ve B\u00fcy\u00fck Cuma Cami quruc\u0131l\u0131\u011f\u0131n\u0131 ba\u015flamaq meseleleri de muzakere etildi.<\/p>\n\n\n\n

Bundan da \u011fayr\u0131 Meclis reisi M.Cemilev T\u00fcrkiye palata ve birjalar birligini\u00f1 reisi Rifat Hisarciql\u0131o\u011flunen k\u00f6r\u00fc\u015fti. Subet vaqt\u0131nda taraflar Ukrainada \u00e7al\u0131\u015fqan, Ukraina\u011fa yat\u0131r\u0131mlar yapmaq istegen i\u015f adamlar\u0131n\u0131\u00f1 vaziyeti, Q\u0131r\u0131m M\u00fcendislik-Pedagogika Universitetini\u00f1 studentleri i\u00e7\u00fcn yataqhane quruc\u0131l\u0131\u011f\u0131 aqq\u0131nda ayt\u0131ld\u0131.<\/p>\n\n\n\n

\u015eu k\u00fcn\u00fc aq\u015fam Q\u0131r\u0131m delegatsiyas\u0131 T\u00fcrkiye Cumhuriyeti Nazirler \u015furas\u0131 yan\u0131nda Yurt t\u0131\u015f\u0131nda ya\u015fa\u011fan t\u00fcrklerni\u00f1 i\u015fleri baqanl\u0131\u011f\u0131 te\u015fkil etken iftarda bulund\u0131lar. \u0130ftarda T\u00fcrkiye Cumhuriyeti ba\u015f nazirini\u00f1 muavini Bekir Bozda\u011f, T\u00fcrkiye q\u0131r\u0131mtatarlar\u0131 medeniyet ve yard\u0131mla\u015fma dernegi reisini\u00f1 vekili ,Tuncer Kalqay i\u015ftirak ettiler.<\/p>\n\n\n\n

Avgust 10 k\u00fcn\u00fc Meclis reisi Mustafa Cemilev T\u00fcrkiye cumhuriyeti Emek ve i\u00e7timaiy qoruv naziri Faruq \u00c7eliknen k\u00f6r\u00fc\u015fti. K\u00f6r\u00fc\u015f\u00fcvde taraflar q\u0131r\u0131mtatar halq\u0131n\u0131\u00f1 bug\u00fcnki vaziyeti ve \u00f6z vatan\u0131na qaytayatqan ve yerle\u015feyatqan q\u0131r\u0131mtatarlar\u0131na T\u00fcrkiye Cumhuriyeti taraf\u0131ndan destek istiqballerine ait meseleler muzakere etildi. K\u00f6r\u00fc\u015f\u00fcvde Q\u0131r\u0131mtatar halq\u0131 Meclisini\u00f1 T\u00fcrkiyedeki temsilcisi Zafer Qaratay, T\u00fcrkiye q\u0131r\u0131mtatarlar\u0131 medeniyet ve yard\u0131mla\u015fma dernegi Ankaradaki umumiy merkez reisini\u00f1 muavini Nam\u0131q Kemal Bayar ve T\u00fcrkiye Cumhuriyeti Nazirler \u015furas\u0131 yan\u0131nda Yurt t\u0131\u015f\u0131nda ya\u015fa\u011fan t\u00fcrklerni\u00f1 i\u015fleri baqan\u0131 Kemal Yurtna\u00e7 i\u015ftirak ettiler.<\/p>\n\n\n\n

Ayn\u0131 \u015fu k\u00fcn\u00fc delegatsiya T\u00fcrkiye Cumhuriyeti Din i\u015fleri idaresi ve T\u0131\u015fq\u0131 i\u015fler nazirligini ziyaret ettiler. K\u00f6r\u00fc\u015f\u00fcv devam\u0131nda Din i\u015fleri idaresini\u00f1 ba\u015f\u0131 Mehmet G\u00f6rmeznen Ukrainada faaliyet k\u00f6stergen temsilciligini\u00f1 i\u015fleri, q\u0131r\u0131ml\u0131 gen\u00e7lerni T\u00fcrkiyede oqutuv, Cuma cami quruc\u0131l\u0131\u011f\u0131 kibi meseleler baq\u0131ld\u0131. K\u00f6r\u00fc\u015f\u00fcvden so\u00f1 delegatsiya azalar\u0131 Diyanet i\u015fleri idaresine yaq\u0131n yerde  6 bi\u00f1 adamn\u0131 s\u0131\u011fd\u0131racaq cami quruc\u0131l\u0131\u011f\u0131nda da bulund\u0131lar.<\/p>\n\n\n\n

T\u0131\u015fq\u0131 i\u015fler nazirliginde Q\u0131r\u0131m delegatsiyas\u0131 t\u0131\u015fq\u0131 siyaset idaresini\u00f1 ba\u015f\u0131 Ahmet Davuto\u011flunen k\u00f6r\u00fc\u015fti. K\u00f6r\u00fc\u015f\u00fcvde Q\u0131r\u0131mtatar halq\u0131n\u0131\u00f1 aq-uquqlar\u0131n\u0131 \u011fayr\u0131dan tiklev meseleleri boyunca halqara forum ke\u00e7irilmesi, T\u0130KAn\u0131\u00f1 Ukrainada ofisini resmiyle\u015ftirilmesi kibi meseleler baq\u0131l\u0131p, olarn\u0131 Ukraina Prezidenti Viktor Yanukovi\u00e7ni\u00f1 k\u00fczde T\u00fcrkiyege resmiy ziyareti vaqt\u0131nda k\u00f6termek aqq\u0131nda ayt\u0131ld\u0131. .<\/p>\n\n\n\n

\u015eu k\u00fcn\u00fc aq\u015fam delegatsiya T\u00fcrkiye q\u0131r\u0131mtatarlar\u0131 medeniyet ve yard\u0131mla\u015fma dernegi Ankaradaki umumiy merkezini\u00f1 reisi Ahmet \u0130hsan Q\u0131r\u0131ml\u0131 te\u015fkil etken iftarda i\u015ftirak ettiler.
11 avgust k\u00fcn\u00fc Q\u0131r\u0131mtatar halq\u0131 Meclisini\u00f1 reisi Mustafa Cemilev Q\u0131r\u0131m\u011fa qayt\u0131p keldi.<\/p>\n\n\n\n

“QHA”\u00a0haberlerinden<\/a><\/p>\n\n\n\n