Halqara “Vozrojdeniye” (\u011eayr\u0131dan tiklen\u00fcv) fond\u0131 qoltutuv\u0131nda “Ocalar \u015furas\u0131” cemaat te\u015fkil\u00e2t\u0131 amelge ke\u00e7irgen “Tolerant derslikler \u2013 tolerant cemiyet” leyhas\u0131 \u00e7er\u00e7ivesinde yap\u0131l\u011fan ara\u015ft\u0131rmalarn\u0131\u00f1 neticeleri boyunca iy\u00fcn 7 k\u00fcn\u00fc Ba\u011f\u00e7asarayda i\u015f seminar\u0131 \u00f6tkerildi.<\/p>\n\n\n\n
Kiri\u015f s\u00f6z\u00fcnen \u00e7\u0131q\u0131\u015fta bulun\u011fan tarih\u00e7\u0131 G\u00fclnara Bekirova ukrain tarih\u0131nda bir \u00e7oq uydurmalar mevcut ol\u011fan\u0131n\u0131 qayd etti. Ukraina bir \u00e7oq halqlar ve milletlerni\u00f1 ya\u015fa\u011fan yeri ol\u011fan\u0131na ra\u011fmen olarn\u0131\u00f1 tarih\u0131 mektep dersliklerinde deyerlik ayd\u0131nlat\u0131lma\u011fan, ayd\u0131nlat\u0131l\u011fanda ise tarihiy vaqialar ol\u011fan\u0131 kibi k\u00f6sterilmey ya da bir tarafl\u0131 aks ettirile.<\/p>\n\n\n\n
Tarih\u00e7\u0131n\u0131\u00f1 fikrince bun\u0131\u00f1 sebebi devletni\u00f1 m\u00fckemmel milliy siyaseti olma\u011fan\u0131ndad\u0131r. Demek, Ukraina bir taraftan \u00e7oqmilletli devlet ol\u011fan\u0131nen maqtansa, diger taraftan bu aldan nas\u0131l qullanmaq kerekligi bilmey.<\/p>\n\n\n\n
Elvedin \u00c7ubarov orta umumtasil mekteplerde oqut\u0131l\u011fan dersliklerni\u00f1 metinlerini tedqiq et\u00fcvni\u00f1 neticeleri aqq\u0131nda ayt\u0131rken, olarda mevcut milletler ve diniy azl\u0131qlar\u011fa nisbeten aqs\u0131mlav allar\u0131n\u0131 k\u00f6sterdi. Elvedin a\u011fan\u0131\u00f1 aytqan\u0131na k\u00f6re 52 oquv qullanmas\u0131 talil etilip, b\u00f6yle hul\u00e2salar \u00e7\u0131qar\u0131ld\u0131. Mesel\u00e2 “Vstup do \u0456stor\u0456\u0457 Ukra\u0457ni: p\u0456dru\u00e7nik dl\u00e2 5 klasu zagalnoosv\u0456tn\u0456h nav\u00e7alnih zaklad\u0456v” (Umumtasil ba\u015flan\u011f\u0131\u00e7 mektep 5-nci s\u0131n\u0131f\u0131 i\u00e7\u00fcn Ukraina tarih\u0131na kiri\u015f) derslikni\u00f1 m\u00fcellifi Viktor M\u0131san, balalar\u011fa h\u0131tap eterek q\u0131r\u0131mtatarlarn\u0131\u00f1 zal\u0131ml\u0131\u011f\u0131n\u0131 qayd etmek niyetinde b\u00f6yle yaza: “Q\u0131r\u0131m yar\u0131madas\u0131 T\u00fcrkiyege boysuna edi. T\u00fcrkiye devleti qudretli ol\u011fan\u0131ndan Q\u0131r\u0131m hanl\u0131\u011f\u0131n\u0131 qolast\u0131na ald\u0131. T\u00fcrk-tatar zadek\u00e2nlar\u0131 \u00f6z topraqlar\u0131n\u0131 basq\u0131nc\u0131l\u0131q seferleri esab\u0131na \u00e7oqla\u015ft\u0131rd\u0131lar. Olarn\u0131\u00f1 bilhassa ukrain topraqlar\u0131na meraqlar\u0131 b\u00fcy\u00fck edi. T\u00fcrk-tatar askerleri sefer vaqt\u0131nda \u00f6zlerini t\u0131pq\u0131 avc\u0131lar kibi al\u0131p bar\u011fanlar. Olar insanlar\u011fa avlan\u011fanlar. Ya\u015f, k\u00fc\u00e7l\u00fc yigitlerni qay\u0131q\u00e7\u0131, ziraat\u00e7\u0131 etip ya da quruc\u0131l\u0131qta \u00e7al\u0131\u015ft\u0131r\u011fanlar. Bala, qad\u0131n ve qartlar\u011fa ise ev i\u015flerini yapt\u0131r\u011fanlar. Q\u0131r\u0131m ve T\u00fcrkiyeni\u00f1 qul bazarlar\u0131nda bi\u00f1lernen esirlerni satqanlar. S\u0131q\u0131 allarda busurmanlar para qazanmaq pe\u015finde zengin ailelerni\u00f1 azalar\u0131n\u0131 h\u0131rs\u0131zla\u011fanlar”<\/p>\n\n\n\n
7-nci s\u0131n\u0131f talebelerine Q\u0131r\u0131m hanl\u0131\u011f\u0131n\u0131\u00f1 i\u00e7timaiy qurum\u0131n\u0131 a\u00f1latqanda “Ukraina tarih\u0131” dersligini\u00f1 m\u00fcellifleri Smoliy V.A. ve Stepankov V.S ya\u00f1\u0131 q\u0131r\u0131mtatar cemiyetini\u00f1 devlet\u00e7iligini iptidaiy, zay\u0131f etip k\u00f6stermege t\u0131r\u0131\u015falar ve q\u0131r\u0131mtatarlarn\u0131\u00f1 qom\u015fu topraqlar\u011fa k\u00f6zlerini tikkenini esasland\u0131rmaq i\u00e7\u00fcn q\u0131r\u0131mtatar cemiyetinde feodal munasebetler \u015fekillengen, dep yazalar. “HU1 as\u0131rn\u0131\u00f1 ba\u015f\u0131nace tatarlar k\u00f6\u00e7ebe ayvanasravc\u0131l\u0131qnen o\u011fra\u015fqan, iptidaiy ziraat\u00e7\u0131l\u0131q endi peyda ol\u0131p ba\u015fla\u011fan. M\u0131rzalar\u011fa pek az vergi t\u00f6legen tatarlar serbest ol\u011fanlar. O\u011flan balalarn\u0131 balal\u0131qtan arbiy h\u0131zmetke az\u0131rla\u011fan ve uru\u015fma\u011fa \u00f6gretkenler. Q\u0131r\u0131m qo\u015funlar\u0131 o qadar suratl\u0131 areket etken ki, bir k\u00fcnde 120 kilometr mesafeni ke\u00e7ken. Ziraat\u00e7\u0131l\u0131q daa ya\u00f1\u0131 peyda ol\u011fan\u0131ndan ealini\u00f1 b\u00fcy\u00fck bir q\u0131sm\u0131 fuqare ve a\u00e7 ol\u011fan. Vaziyetini biraz t\u00fczetmek istegen tatarlar qom\u015fu halqlarn\u0131\u00f1 topraqlar\u0131na \u00fcc\u00fcm etip \u00e7ekip al\u011fan, adamlar\u0131n\u0131 ise qul bazarlar\u0131nda satqanlar”<\/p>\n\n\n\n
Elvedin \u00c7ubarovn\u0131\u00f1 qayd etkenine k\u00f6re, umumtasil orta mekteplerini\u00f1 9-11-nci s\u0131n\u0131flar\u0131 i\u00e7\u00fcn talil etilgen dersliklerni\u00f1 episini yek\u00e2ne ukrain millet\u00e7iligi birle\u015ftire. <\/p>\n\n\n\n
” XIX-XX as\u0131rlar ve XXI as\u0131rn\u0131\u00f1 ba\u015f\u0131nda tarihiy ceryanlar ve vaqialar faqat ukrain topraqlar\u0131nda, ukrain halq\u0131n\u0131\u00f1 vaziyeti, inki\u015faf\u0131 noqtai nazar\u0131ndan baq\u0131la. \u015eimdiki ukrain devleti s\u0131\u00f1\u0131rlar\u0131na kirgen, siyasiy ukrain milletini\u00f1 \u015fekillenmesinde i\u015ftirak etken diger halq ve milliy azl\u0131qlar tarih dersliklerine kirsetilmegen. B\u00f6yle yana\u015fuv ise “temizlengen, ar\u0131nd\u0131r\u0131l\u011fan” mektep dersliklerini\u00f1 peyda olmas\u0131na al\u0131p kele. Tabiiy ki, olarn\u0131 oqup devletimizni\u00f1 ne milliy, ne de medeniy \u00f6zg\u00fcnligini a\u00f1lamaq m\u00fcmk\u00fcn, – dey Elvedin a\u011fa. \u2013 Teess\u00fcf ki, bu dersliklerde q\u0131r\u0131mtatarlar\u0131na yer tap\u0131lma\u011fan. Olarn\u0131\u00f1 ad\u0131 Ukrainada i\u00e7timaiy-siyasiy areketlernen, topraqs\u0131z qaluv ve icret, so\u00f1ra milletni\u00f1 uyanmas\u0131na siltem bergen \u0130. Gasprinskiy faaliyeti ile ba\u011fl\u0131 olaraq da baq\u0131lmay”<\/p>\n\n\n\n
Seminar i\u015ftirak\u00e7ileri bun\u0131\u00f1 kibi de “Mektep dersliklerinde milliy ve diniy azl\u0131qlar\u011fa nisbeten aqs\u0131mlav munasebeti” mevzus\u0131nda iy\u00fcn 22-sinde \u00f6tkerilecek t\u00f6gerek masa subetini\u00f1 suallerini de muzakere ettiler.<\/p>\n\n\n\n
Nariman CEL\u00c2L,<\/p>\n\n\n\n