{"id":23953,"date":"2011-06-02T17:03:00","date_gmt":"2011-06-02T14:03:00","guid":{"rendered":"http:\/\/qtmm.org\/?p=23953"},"modified":"2022-01-18T17:08:25","modified_gmt":"2022-01-18T14:08:25","slug":"kezlevde-hayriye-aqsami-otkerildi","status":"publish","type":"post","link":"https:\/\/qtmm.org\/qt\/kezlevde-hayriye-aqsami-otkerildi\/","title":{"rendered":"Kezlevde hayriye aq\u015fam\u0131 \u00f6tkerildi"},"content":{"rendered":"\n

\u0130y\u00fcn 1 k\u00fcn\u00fc Kezlevdeki “Ceval” adl\u0131 milliy restoranda \u00fc\u00e7 a\u011f\u0131r hasta bala\u011fa maddiy yard\u0131m toplav maqsad\u0131nda “Yard\u0131m bergen eller, dua etken ellerden hay\u0131rl\u0131d\u0131r” hayriye aq\u015fam\u0131 \u00f6tkerildi. Halqara balalarn\u0131 qor\u00e7alav k\u00fcn\u00fcne uydur\u0131l\u011fan mezk\u00fcr tedbirni Kezlev \u015feerini\u00f1 “Odun bazar qap\u0131s\u0131” medeniy-milliy merkezi te\u015fkil etti. “Bu tedbirni ke\u00e7irmekten maqsad – hasta balalar\u011fa yard\u0131m etmek ve bun\u0131\u00f1 kibi de balalarn\u0131\u00f1 meselelerine l\u00e2qayd olma\u011fanlarn\u0131\u00f1 episine yard\u0131m k\u00f6stermekni teklif etmek edi”, – dedi “Ceval” restoran\u0131n\u0131\u00f1 direktor\u0131 Dil\u00e2ra Yaqubova Q\u0131r\u0131m haberler agentligine.<\/p>\n\n\n\n

B\u00fct\u00fcnd\u00fcnya q\u0131r\u0131mtatarlar kongressini\u00f1 prezidenti Refat \u00c7ubarov, Q\u0131r\u0131m Nazirler \u015furas\u0131 reisini\u00f1 muavini Aziz Abdullayev, Q\u0131r\u0131m i\u00e7timaiy siyaset naziri Yelena Semi\u00e7astnaya, Ukraina Prezidentini\u00f1 Q\u0131r\u0131mdaki daimiy temsilcisi Vladimir Yatsuba, Kezlev meri Andrey Danilenko, Ba\u011f\u00e7asaray rayon devlet memuriyetini\u00f1 ba\u015f\u0131 \u0130lmiy \u00dcmerov, siyaset\u015f\u0131nas Aleksandr Forman\u00e7uk, tarih\u00e7\u0131lar G\u00fclnara Bekirova ve \u00d6leksa Gayvoronskiy hayriye aq\u015famn\u0131\u00f1 fahriy musafirleri old\u0131lar.<\/p>\n\n\n\n

Aq\u015fam programmas\u0131nda halq ustalar\u0131 Rustem Skibin, Tamara Kl\u00fc\u00e7kina, Ramiz Netovkin ve digerlerini\u00f1, \u015fu c\u00fcmleden \u015feerdeki balalar bediiy mektebini\u00f1 talebeleri yapqan mahsulatlardan ibaret sergi numay\u0131\u015f etildi. Hayriye aktsiyas\u0131na b\u00fcy\u00fck isse qo\u015fqan gen\u00e7 ve istidatl\u0131 dizayner Halide \u00c7ilingirova da kendisini\u00f1 “Kiyiz s\u0131r\u0131” adl\u0131 libaslar kollektsiyas\u0131n\u0131 taqdim etti. \u0130stegenlerni\u00f1 episi m\u0131nda begengen \u015feylerni sat\u0131n al\u0131p, onkologiya hastal\u0131\u011f\u0131na o\u011fra\u011fan balalar i\u00e7\u00fcn sermiya toplav i\u015fine qo\u015fuld\u0131lar.<\/p>\n\n\n\n

Dil\u00e2ra Yaqubovan\u0131\u00f1 aytqan\u0131na k\u00f6re, aq\u015fam devam\u0131nda 40 bi\u00f1 grivn\u00e2\u011fa yaq\u0131n para toplan\u0131p, Kezlev \u015feerinden bir ya\u015f\u0131ndaki Darina, Yusup Suleymanov, bun\u0131\u00f1 kibi de Saq rayon\u0131nda ya\u015fa\u011fan Amina Qurtveliyevan\u0131\u00f1 ana-babalar\u0131 aras\u0131nda taqsim etildi.<\/p>\n\n\n\n

“Biz bu aq\u015famn\u0131 nas\u0131ld\u0131r bir mezatqa \u00e7evirmeden, hayriye \u015fekilinde ke\u00e7irmege t\u0131r\u0131\u015ft\u0131q”, – dedi Dil\u00e2ra Yaqubova ve aq\u015famn\u0131 b\u00f6yle m\u00fcitte \u00f6tkerilmesini teminlegen y\u0131rc\u0131 Aliye, dizayner Halide \u00c7ilingirova, “Haytarma” ansamblini\u00f1 sanat\u00e7\u0131lar\u0131na, ustalar – Rustem Skibin, Tamara Kl\u00fc\u00e7kina, Ramiz Netovkinge ayr\u0131ca te\u015fekk\u00fcrlerini bildirdi.<\/p>\n\n\n\n


QHA<\/a>\u00a0ve\u00a0“Odun-Bazar”\u00a0<\/a>milliy medeniy merkezni\u00f1 mal\u00fcmatlar\u0131 boyunca<\/p>\n\n\n\n

Haberlerge video<\/h1>\n\n\n\n
\n