{"id":23915,"date":"2011-06-01T16:59:00","date_gmt":"2011-06-01T13:59:00","guid":{"rendered":"http:\/\/qtmm.org\/?p=23915"},"modified":"2022-01-18T17:03:03","modified_gmt":"2022-01-18T14:03:03","slug":"ana-ve-balalarga-buyuk-bahsis","status":"publish","type":"post","link":"https:\/\/qtmm.org\/qt\/ana-ve-balalarga-buyuk-bahsis\/","title":{"rendered":"Ana ve balalar\u011fa b\u00fcy\u00fck bah\u015fi\u015f"},"content":{"rendered":"\n

\u0130y\u00fcn 1 \u2013 Halqara balalarn\u0131 qor\u00e7alav k\u00fcn\u00fc “K\u00f6zayd\u0131n” resurs-informatsion merkezi ATR televizion kanal\u0131 ile birlikte “Ye\u015fil ada” banket salon\u0131nda balalar i\u00e7\u00fcn acayip bir bayram te\u015fkil etti. Onda merkez \u00f6z\u00fcni\u00f1 “Ayneni” leyhas\u0131n\u0131 taqdim etti.<\/p>\n\n\n\n

Belli ki, ayneniler er bir halqn\u0131\u00f1 a\u011f\u0131z yarat\u0131c\u0131l\u0131\u011f\u0131n\u0131\u00f1 m\u00fcim ve q\u0131ymetli bir q\u0131sm\u0131 olaraq, d\u00fcnya\u011fa kelgen balan\u0131\u00f1 anas\u0131ndan ana tilinde al\u011fan ilk dersidir. Rusiyeni\u00f1 T\u00fcmen universitetini\u00f1 professor\u0131, filologiya ilimleri doktor\u0131 \u0130rina Qarabulatovan\u0131\u00f1 ke\u015ff etkenine k\u00f6re, ayneniler balan\u0131\u00f1 genetik af\u0131zas\u0131n\u0131 uyand\u0131ra ve o\u00f1a kimligini, milliy mens\u00fcpligini bildire, kelecekte \u00f6m\u00fcrini\u00f1 programmas\u0131n\u0131 tize. Q\u0131r\u0131mtatar aynenilerini ba\u015fqa milletlerni\u00f1kinden farq etken yeri \u015fu ki, bizim aynenilerimizde bala\u011fa eyi \u00e7izgiler a\u015flana, q\u0131zlar\u011fa merhametli, d\u00fclber olmalar\u0131n\u0131 \u00f6gretse, o\u011flanlarn\u0131 arslan kibi ces\u00fcr, bat\u0131r olmas\u0131n\u0131 tenbiyeley.<\/p>\n\n\n\n

Ayneniler janr\u0131 so\u00f1ki y\u0131llarda bir \u00e7oq m\u00fctehass\u0131slarn\u0131 meraqland\u0131ra, l\u00e2kin olarn\u0131 birinci kere ciddiy \u015fekilde toplav, \u0130nternette mahsus saife a\u00e7qan ve leyha i\u015flegen “K\u00f6zayd\u0131n” resurs-informatsion merkezni\u00f1 reisi Zarema Hayredinova old\u0131. 2008 senesi Zarema han\u0131m “Aist” Hayriye fond\u0131n\u0131\u00f1 qoltutuv\u0131nda “Q\u0131ymetli asabal\u0131q” leyhas\u0131n\u0131 qor\u00e7alad\u0131. Leyha \u00e7er\u00e7ivesinde q\u0131r\u0131mtatar aynenileri boyunca b\u00fct\u00fcn ol\u011fan mal\u00fcmat topland\u0131 ve tertipke ketirildi, Q\u0131r\u0131m k\u00f6yleri boylap qartlardan be\u015fik y\u0131rlar\u0131 yaz\u0131p al\u0131nd\u0131. Bu i\u015fni\u00f1 neticesi \u0130nternette yerle\u015ftirilgen www.aynenni.qirim.org saifesinde aksini tapt\u0131. Saytn\u0131 \u00e7oqtan-\u00e7oq adam ziyaret etti, kendileri i\u00e7\u00fcn zarur mal\u00fcmatn\u0131 k\u00f6\u00e7\u00fcrip ald\u0131. Aradan \u00fc\u00e7 y\u0131l ke\u00e7ken so\u00f1 Zarema han\u0131m Ankaradan Q\u0131r\u0131mtatar dernegi ba\u015f merkezi reisini\u00f1 yard\u0131mc\u0131s\u0131 Nam\u0131q Kemal Bayardan mekt\u00fcp ald\u0131. Onda Nam\u0131q bey, leyhas\u0131 ve saifeni\u00f1 q\u0131ymetini qayd etip, bu i\u015fni\u00f1 devam\u0131na nas\u0131l qoltutabilirmiz, diye konkret teklifte bulund\u0131.<\/p>\n\n\n\n

B\u00f6yleliknen leyha canlan\u0131p, endi Ayneniler yaz\u0131l\u011fan audio disk \u00e7\u0131qarmaq \u011fayesi t\u00fc\u015f\u00fcnildi. Bu i\u015fni\u00f1 masraflar\u0131n\u0131 Ankara dernegi \u00fczerine ald\u0131. Y\u0131rlarn\u0131 yazmaq i\u00e7\u00fcn \u00f6z h\u0131zmetini bu leyha\u011fa qo\u015ful\u011fan ATR televizion kanal\u0131 teklif etti. Leyha aqq\u0131nda fevral ay\u0131nda \u00f6tkerilgen “Ana tili \u2013Vatan tili” marafon\u0131nda il\u00e2n etildi.<\/p>\n\n\n\n

Zarema Hayredinova endi degil tek SD disk, aynenilerni\u00f1 metinleri ol\u011fan c\u0131y\u0131nt\u0131qn\u0131 da az\u0131rlamaq ve kitapqa resimlerni ise balalar\u011fa s\u0131marlamaq \u011fayesini \u00f6gge s\u00fcre ve kene de ATR kanal\u0131nda resimler yar\u0131\u015f\u0131 il\u00e2n etile. Yar\u0131\u015fqa 50 resim t\u00fc\u015fip, olardan 9-\u0131 se\u00e7ile. \u00c7\u00fcnki diskke \u015fu qadar y\u0131r kirsetildi.<\/p>\n\n\n\n

M\u0131nda em Ediye Top\u00e7\u0131, Sabriye Erecepova, Sakine Nalbandova icras\u0131ndaki klassik, em de zemaneviy y\u0131rc\u0131lar Aksana Amet Mustafa, Afize Yusuf q\u0131z\u0131, Mavile \u00dcmerova, Naciye Yaqubovan\u0131\u00f1 icras\u0131nda y\u0131rlar yaz\u0131ld\u0131.<\/p>\n\n\n\n

\u0130\u015fte, tedbir ke\u00e7irilgen k\u00fcn\u00fc “Ye\u015fil ada” salon\u0131nda yar\u0131\u015fta i\u015ftirak etken b\u00fct\u00fcn resimlerni\u00f1, belli ressam ve dizayner Zarema Trasinova, \u00dclviye Ablayeva, Venera Qurmayeva ve Zarema Hayredinova \u00e7e\u015fit malzemelerden yasa\u011fan d\u00fclber qoqlalar, bun\u0131\u00f1 kibi de usta na\u011f\u0131\u015f\u00e7\u0131 Zarema Mustafayeva reberliginde na\u011f\u0131\u015f s\u0131rlar\u0131n\u0131 \u00f6grengen Ba\u011f\u00e7asaray milliy mektebini\u00f1 talebeleri na\u011f\u0131\u015fla\u011fan Quran qaplar\u0131, kise ve pannolar sergileri numay\u0131\u015f etildi. Bayramn\u0131 “\u0130lham” ansamblini\u00f1 oyunc\u0131lar\u0131, y\u0131rc\u0131lar Aksana Amet Mustafa ve Afize Yusuf q\u0131z\u0131 yara\u015ft\u0131rd\u0131lar.<\/p>\n\n\n\n

Bayramn\u0131 hay\u0131rlav s\u00f6zlerinen a\u00e7qan B\u00fct\u00fcnd\u00fcnya q\u0131r\u0131mtatarlar kongressini\u00f1 prezidenti, Milliy Meclis reisini\u00f1 muavini, Q\u0131r\u0131m Yuqar\u0131 \u015euras\u0131n\u0131\u00f1 deputat\u0131 Refat \u00c7ubarov, ATR televizion kanal\u0131n\u0131\u00f1 reberlerinden biri \u015eevket Memetov, “K\u00f6zayd\u0131n” merkezini\u00f1 reisi Zarema Hayredinova ve digerleri aynenilerni\u00f1 insan \u00f6m\u00fcrindeki b\u00fcy\u00fck emiyetini ayr\u0131ca qayd ettiler. Bayramn\u0131\u00f1 resmiy q\u0131sm\u0131ndan so\u00f1 balalarn\u0131 tatl\u0131 sofra beklemekte edi. Olar\u011fa meyva, tatl\u0131lar, dondurma ikram etildi. Mahsus masa \u00fcst\u00fcnde ise balalar plastikten \u00e7e\u015fit \u015feylerni yasama\u011fa \u00f6grendiler. Bayramda er kes bah\u015f\u0131\u015f ald\u0131. Bayramn\u0131\u00f1 \u015fe\u00f1 ve tatl\u0131 ke\u00e7mesi \u015fahsiy maddiy yard\u0131m bergen Cumhuriyet milletler komitetini\u00f1 reisi Edem Dudakov, Aqmescit \u015feer \u015furas\u0131n\u0131\u00f1 deputat\u0131, i\u015f adam\u0131 Sad\u0131h Tabah, milliy areket i\u015ftirak\u00e7isi Bekir \u00dcmerov, “DEF” \u015firketini\u00f1 ba\u015f\u0131 Ernest Cel\u00e2lov ve “Ye\u015fil ada” banket salon\u0131n\u0131\u00f1 saiplerini\u00f1 h\u0131zmetidir.
Bayramn\u0131 ATR kanal\u0131n\u0131\u00f1 m\u00fchbiri Tamila Abduveliyeva ve Zarema Hayredinova al\u0131p bard\u0131lar.<\/p>\n\n\n\n


Zera BEK\u0130ROVA<\/p>\n\n\n\n