{"id":23611,"date":"2011-01-18T16:40:00","date_gmt":"2011-01-18T13:40:00","guid":{"rendered":"http:\/\/qtmm.org\/?p=23611"},"modified":"2022-01-18T16:46:02","modified_gmt":"2022-01-18T13:46:02","slug":"18-mayis-surgunlik-qurbanlarinin-hatira-kunu","status":"publish","type":"post","link":"https:\/\/qtmm.org\/qt\/18-mayis-surgunlik-qurbanlarinin-hatira-kunu\/","title":{"rendered":"18 mayis \u2013 s\u00fcrg\u00fcnlik qurbanlarini\u00f1 hatira k\u00fcn\u00fc"},"content":{"rendered":"\n

Er y\u0131l q\u0131r\u0131mtatar halq\u0131 18 may\u0131s k\u00fcn\u00fcni Milliy matem k\u00fcn\u00fc olaraq qayd ete. Ayn\u0131 vaq\u0131tta \u015fu \u00e7er tarih\u0131 milliy birlikni ve halqn\u0131\u00f1 uquqlar\u0131n\u0131 \u011fayr\u0131dan tiklenmesine k\u00fcre\u015fini numay\u0131\u015f ete.<\/p>\n\n\n\n

S\u00fcrg\u00fcn olun\u011fan insanlarn\u0131\u00f1 hat\u0131rlavlar\u0131na k\u00f6re, 18 may\u0131s 1944 senesi zorbal\u0131q qullan\u011fan soldatlarn\u0131\u00f1 \u00e7oqus\u0131 bi\u00e7are qal\u011fan milletke canavarl\u0131q ile nisbette buluna ediler. Zabitler taraf\u0131ndan k\u00f6sterilgen cefa balalar\u011fa, qartlar\u011fa em de y\u00fckl\u00fc qad\u0131nlar\u011fa ayn\u0131 \u015fekilde tatbiq etildi.<\/p>\n\n\n\n

Yaq\u0131n ke\u00e7mi\u015fte, 1980-nci senelerni\u00f1 ortalar\u0131na qadar, \u015fu k\u00fcn\u00fc q\u0131r\u0131mtatarlar s\u00fcrg\u00fcn etilgen mek\u00e2nlarda Vatan\u011fa qaytma\u011fa q\u0131smet olma\u011fan tuv\u011fanlarn\u0131\u00f1 ruhlar\u0131n\u0131 a\u00f1\u0131p, ba\u015fta qabristanlarda topla\u015fa ediler. \u015eeer ve qasabalarn\u0131\u00f1 merkezlerine yol al\u0131p, mitinglerni ke\u00e7irmege \u0131nt\u0131la ediler. Halq\u0131m\u0131zn\u0131\u00f1 facias\u0131n\u0131, Vatan\u011fa qaytuv \u00fcm\u00fctsizlik k\u00fcre\u015fini ve sovet rejimini\u00f1 taraf\u0131ndan boz\u011fan uquqlarn\u0131\u00f1 ya\u00f1\u0131dan quruv\u0131n\u0131 \u00e7oq\u00e7a diger millet vekilleri bilsin dep Q\u0131r\u0131mtatar milliy areketni\u00f1 faal i\u015ftirak\u00e7ileri er bir imk\u00e2n\u0131n\u0131 qullana ediler. \u00d6z nevbetinde \u00fck\u00fcmet metinglerni\u00f1 ke\u00e7iril\u00fcvine qar\u015f\u0131 tur\u0131p, q\u0131r\u0131mtatarlar ya\u015fa\u011fan yerlerde “cemaat nizamn\u0131\u00f1 qor\u00e7alav” tedbirlerni ke\u00e7ire edi.<\/p>\n\n\n\n

70-nci senelerde milliy matem k\u00fcn\u00fcnde \u00d6zbekistanda yerle\u015fken mezarl\u0131qlar\u0131nda militsiya tur\u0131p “karantin”ni il\u00e2n etti. \u00c7oqus\u0131 allarda mezarl\u0131qqa kelgen vatanda\u015flar\u0131m\u0131zn\u0131 toqtat\u0131p, a\u015falay\u0131c\u0131 sor\u011fular ile \u00e7eki\u015ftire ediler, 15 sutka\u011fa qapat\u0131p, Milliy areketni\u00f1 i\u015ftirak\u00e7ilerni\u00f1 evlerinde tefti\u015f yapa ediler. 1970-nci senesi sent\u00e2br ay\u0131nda Ta\u015fkent \u015feerinde Saniye Mustafayeva mahkum etildi. O, militsiya ve T\u00fcyt\u00fcbe qasabas\u0131ndaki ol\u011fan rayispolkom binalar\u0131nda matem qara bayraqlarn\u0131 as\u0131p qoy\u011fan\u0131 i\u00e7\u00fcn 3 y\u0131l\u011fa t\u00fczet\u00fcv lagerine yollan\u0131ld\u0131. 1972 senesi 18 may\u0131s k\u00fcn\u00fc Begabat \u015feerinde “18 may\u0131s k\u00fcn\u00fc \u2013 q\u0131r\u0131mtatarlar Vatandan s\u00fcrg\u00fcn etilgen k\u00fcn\u00fcdir” metinli qara keten as\u0131l\u011fan edi. Bu fakt esas\u0131nda Milliy areketni\u00f1 yolba\u015f\u00e7\u0131lar\u0131ndan birisi Ceppar Akim qabaatlan\u0131p, apske qapat\u0131ld\u0131.<\/p>\n\n\n\n

1968-nci senesinden ba\u015flap 1980-nci senelerge qadar Q\u0131r\u0131mda bir qa\u00e7 bi\u00f1 q\u0131r\u0131mtatarlar ya\u015fay ediler. Ayn\u0131 \u015fu k\u00fcn\u00fc m\u0131nda da partiya organlarn\u0131\u00f1 emiri boyunca qanuns\u0131z tedbirlerini ke\u00e7ire ediler. Q\u0131r\u0131mtatarlarn\u0131\u00f1 taraf\u0131ndan rus halq\u0131na qar\u015f\u0131 intiqam aktlar az\u0131rla\u011fan\u0131 aqq\u0131nda inan\u0131lmaycaq haberler Q\u0131r\u0131m ealisini\u00f1 aras\u0131nda maqsatk\u00e2r darqal\u011fan edi. Yaz\u0131q ki, akimiyet provokatsiyalar \u00f6z maqsatlar\u0131na s\u0131q iri\u015fe ediler. 1969 senesi Q\u0131r\u0131mda 18-ci may\u0131sn\u0131 Refat \u00c7ubarov b\u00f6yle hat\u0131rlay: “Q\u0131r\u0131m\u011fa menim ana-babamn\u0131\u00f1 qaytma\u011fa imk\u00e2n\u0131 1968s. iy\u00fcl ay\u0131nda old\u0131. Biz Krasnoperekopsk rayonn\u0131\u00f1 Novopavlovka adl\u0131 k\u00f6y\u00fcnde yerle\u015ftik. Bu k\u00f6yde tek 5 q\u0131r\u0131mtatar qoranta ya\u015fay edi. Babam diger b\u00fcy\u00fcklernen beraber k\u00f6yni\u00f1 \u00e7etinde s\u00fcrg\u00fcn olun\u011fan vatanda\u015flarn\u0131\u00f1 hat\u0131ras\u0131na dua oquma\u011fa az\u0131rlana ediler. \u015eu adise yerli akimiyetke belli old\u0131 ve o episi k\u00f6yde\u015flerge \u00f6z balalarn\u0131 tatarlardan yah\u015f\u0131ca qor\u00e7alamaq tevsiye etti. Yani tatarlar “q\u0131y\u0131r-\u00e7ay\u0131r et\u00fcvni” k\u00f6z \u00f6g\u00fcne al\u0131p b\u00fct\u00fcn insanlarn\u0131 tel\u00e2\u015fland\u0131rd\u0131. Men al\u00e2 daa s\u0131n\u0131fda\u015f\u0131m Volod\u00e2 Solobayn\u0131\u00f1 qorqunen tolu y\u00fcz\u00fcni em de “A za \u00e7to v\u0131 sobirayetes nas rezat?” bergen sualni hat\u0131rlay\u0131m”.<\/p>\n\n\n\n

Q\u0131r\u0131mtatarlarn\u0131\u00f1 k\u00fctleviy qaytuv ba\u015flanuv\u0131nen Q\u0131r\u0131mn\u0131\u00f1 sakinlerni\u00f1 matem k\u00fcn\u00fcne munasibeti de de\u00f1i\u015fmege ba\u015flad\u0131. 1994-nci senesinden ba\u015flap, Q\u0131r\u0131mn\u0131\u00f1 resmiy akimiyeti matem k\u00fcn\u00fcne ba\u011f\u0131\u015flan\u011fan tedbirlerde i\u015ftirak ete. 18-nci may\u0131s k\u00fcn\u00fc arfesinde Yuqar\u0131 \u015euras\u0131, Nazirler \u015euras\u0131 ve Q\u0131r\u0131m Muhtar Cumhuriyeti birliginde matem topla\u015fuvn\u0131\u00f1 er y\u0131ll\u0131q ke\u00e7ir\u00fcvi an-anege \u00e7evirildi.<\/p>\n\n\n\n