VI Milliy Qurultaynın Teftiş komisyonı Muracatı

2, Schmidta str., Simferopol, 95017 Autonomous 
_{Republik of the Crimea, Ukraine} Tel.:273 526Fax: 274 372
Укpaїнa, AвтономнaPecпyблiкa Kp им, 95017 м. Cімфeponoль, вул. Шмидта, 2 

Qıymetli semetdeşler!
Milliy Kurultaynıñ mühterem delegeleri! 

Yerli ve regional meclislerniñ sayğılı azaları! 

Sizge VI Milliy Qurultaynın Teftiş Komisyonı muracatta buluna. 

Milletçiligimiz ve vatanseverligimizni, tarihiy devletçiligimizge sadıqlığımıznı isbatlamaqnıñ yolu-şekilleri az degil. 

Olardan birisi çoq sade: halq menfaatları oğrunda çerik asır faal hızmette bulunğan “Qırım” gazetine abune olmaqtır. Onıñ bugünki tirajı 3000 nusha. Orta qorandanı 4 kişi alsaq, demek, onı 12 biñ vatandaşımız qoluna ala bile. Yahut, 12 biñ semetdeşimizniñ ana tiline ihtiyacı, til müitini pekitmek istegi bar. 12 biñ semetdeşlerimizniñ milliy devletçilik tiklenilmesi boyunca talapları ciddiy olğanı körünip tura. 

Abune işlerini yerinden qıbırdatmaq içün, bu muracaatnı oquğanlarğa büyük ricamız – qomşularıñızğa, soy aqrabalarıñızğa, tanış-bilişleriñizge onıñ manasını añlatıñız: belki birevniñ istegi bar da, vaqıtı, çaresi yoq, belki başqa bir qolaysızlıqlar bar (poçta uzaq, insan raatsız ve ilâhre). Öyle insanlarğa yardımcı oluñız. Parasını alıp ve poçtağa barıp, olarnı yazdırıñız. 

Qurultaynıñ delegeleri, yerli ve regional meclislerniñ azaları milletimizniñ eñ faal qısımı olaraq, bu muracaatnı özleri içün bir vazife kibi korsinler ve becersinler. Qurultay delegeleri Teftiş Komisyonına kendileri abune olğanlarını ve qaç kişi yazdırğanlarını aqqında malümat berseler, pek yahşı ve faydalı olur. Çünki bizim ilân etmege imkânımız olacaq – kim saylavcılarnıñ avaleleri üzerinde çalışa, kim ise öz milliy ve cemaa vazifelerine lâqayd munasebette. 

Yuqarıda aytılğan delillerni tekrarlap, Qurultay ve Milliy Meclisimizge sadıq olğan insanlarnı “Avdet” gazetine yazılmaların rica etemiz, çünki o, şu qurumlarınıñ sesi, fikir açıqlav ve haber vastası. İçki ve tış siyasetimizde olğan vaqialar, meseleler, muvafaqiyetler, Kurultay ve Meclis alğan qararlar, diger milliy vesiqalar onda derc oluna. 

“Qırım” gazetiniñ 1 yıllıq, bu demesi, 100 sannıñ fiyatı 102 grivnâ (poçta masraflarınen 106 grn.), yani, kündelik masraf 29 kapik ete. “Avdet” 1 yıllıq, bu demesi, 52 sannıñ fiyatı 40 grivnâ, kündelik 11 kapikke yaqın. Qoşma alda 40 kapiklik masraflarnı elâl etip, olarnı milletiñiz içün feda saya bilirsiz.