VI Milliy Qurultayı Teftiş komisyonı toplaşuvınıñ 2-№ PROTOKOLI

VI Milliy Qurultayı Teftiş komisyonı toplaşuvınıñ 
2-№ PROTOKOLI

2013 s. Ekim (oktâbr) 31. 

İştirakettiler: VI Milliy Qurultayı Teftiş komisyonıñ 7 azası. 
Toplaşuvnıñ reisi: Ali bey Özenbaş. 
Toplaşuvnıñ kâtibi: Emir-Asan bey Umerov 

Muzakeremeselesi: 

1. VI Milliy Qurultayı Teftiş komisyonınıñ işini teşkil etmek. 

Sözgeçıqtı: Ali bey Özenbaş. 

O, aşağıdaki tekliflerde bulundı: 

1. V Milliy Qurultayı Teftiş komisyonından, onıñ faalietinen bağlı butün vesiqalarnı almaq. Bu vazifeni Emir-Asan bey Umerovğa avale etmege. 

2. Regional meclisleriniñ öz işini teşkil etüvi, yerli meclislerniñ biri-birinen, diger cemaat ve diniy teşkilâtlarınen, yerli deputatlar taqımınen, hususan, olıp-keçkenlerden haberdar oluv ve Qurultaynıñ qararları becerilmesi meselesinde, işbirlik yapuvları boyunca yerli meclislerniñ faaliyetini ogrenmek. Vaziyetleri qanaatlendirici olmasa, böyle işbirlik qurulması içün olarğa yardım etmek. Bu maqsat ile, muntazam surette regional ve erli meclisleriniñ toplaşuvlarını ziyaret etip, işlerini teşkermek. Bu teklifni omürge keçirilmesiniñ maddiy tarafını Milliy Mecliske yetkizmek vazifesini Edem bey Dudakovğa avale etmege. 

3. Qurultaynıñ iş qurumlarından ilki oturumda (sessiyada) bulunğan ve rey berüvde iştirak etüvleri içün bulunğanlarını tasdiq ettirgen vekillerniñ qayta keçüvlerini belgilegen; bunıñ kibi de, Qurultay vekilleriniñ em qabul etilgen, em de reyge qoyulmağan tekliflerini qayd etken vesiqalarnıñ nushalarını almaq vazifeni Aziz bey Reşitovğa avale etmege. 

Rey berildi: qoltuttılar 7. 

Qarar: VI Milliy Qurultayı Teftiş Komisyonıñ reisi Ali bey Özenbaşnıñ tekliflerini qabul etmek. 

Toplaşuvnıñ reisi: / Ali Özenbaş / ……… 
Toplaşuvnıñ kâtibi: / Emir-AsanUmerov/ …….