VI Milliy Qurultay Teftiş Komisyoniniñ 22 qasımda olıp keçken toplaşuvında alınğan qararğa binaen BEYANATI

2, Schmidta str., Simferopol, 95017 Autonomous Republik of the Crimea, Ukraine 
№ 00003/22.11/2013s. 
Tel.: 273 526; Fax: 274 372 
Укpaїнa, Aвтономнa Pecпyблiкa Kpим, 95017 м. Cімфeponoль, вул. Шмидта, 2 

VI MİLLİY QURULTAY TEFTİŞ KOMİSYONINIÑ 
22 qasımda olıp keçken toplaşuvında alınğan qararğa binaen 

BEYANATI 

1. Milliy Meclis resmiy saytınıñ (http://qtmm.org/ru) al-ı azırda ancaq rus tilindeki malümatlarnen donatılğanını köz ögüne alıp, Milliy Meclis informasyon hızmetiniñ diqqatını işbu saytnıñ qırımtatarca ve ukraince variantları malümatnen toldurılmaq kerekligine celp etmege teklif etemiz. 

2. Milliy Meclis idareleriniñ ve regional meclislerniñ işini aşağıdaki meselelerge baqqan bölüklerge paylaştırmaqnı tefsiye etemiz: 

a) Yerli meclislernen çalışacaq bölük. Bu bölük yerli meclislerge regional meclislerniñ qararlarını, bunıñ kibi de, Milliy Qurultay ve Milliy Meclis qararlarını yetkizecek ve olarnıñ ömürge keçirilmesini nezaret etecek. Bundan ğayrı, milliy müitni saqlamaq ve onı inkişaf ettirecek (ana tilinde söylenmekni teşviq etüv, milliy sanatqa, qırımtatar kütleviy matbuat vastalarına, qırımtatarca oqumağa, teleyayınlar seyir etmege ve ilâhrige meraq doğuruv); 

b) Deputatlar ve şeer ve köy şuralarınen çalışacaq bölük (yerli akimiyetniñ saylavcı semetdeşlerimiz içün müim ve kerekli qarar ve ükümlerni qabul etüvlerine, olarnıñ aqlarını qorçalavlarına sevq etmek); 

v) İmamlar, mollalar ve din cemiyetlerinen çalışacaq bölük (yuqarıda añılğan maqsatlarğa yetmek içün umumiy siyasetni koordine etmek). 

VI Miliy Qurultay Teftiş komisyonınıñ reisi 
Ali Özenbaş