Qırımtatar Milliy Meclisiniñ reisi

 

Qırımtatar halqı Meclisiniñ reisi Qurultaynıñ er yañı erkânı tarafından gizli rey berüv yolunen Qurultay delegatları sırasından saylana.

Seçimde iştirak etmege istemegen namzetlerniñ arizası tartışmasız qabul etile, bülletenlerge bulunğan delegatlarnıñ açıq reylerini qazanğan namzetler kirsetile. Meclis reisligine bulunğan delegatlar reyleriniñ yarısından çoqunı qazanğan namzet seçile. Rey berüv vaqtında iç bir namzet yeterli miqdarda rey alıp olamasa, yañı namzetler kösterile ve yañıdan rey berile. Qurultay oturımında qayd etilgen delegatlarnıñ üçte bir qısmınıñ talabı ile ya da Reisniñ kendisiniñ teklifine köre Meclis Reisiniñ vekâletligini tasdiqlav protsedurası keçirile. Eger gizli rey berüvde onıñ içün bulunğan delegatlarnıñ yarısından çoqusı rey berse Meclis Reisiniñ vekâletligi tasdiqlandı, dep esaplana. Meclis Reisiniñ vekâletligi tasdiqlanmağanı taqdirde belgilengen tertipke köre yañı seçimler ötkerile.

Meclis Reisiniñ aqları, vekâletligi ve vazifeleri Qırımtatar halqı Qurultayınıñ reglamenti ve Qırımtatar halqınıñ Meclisi aqqında Nizamnamede belgilene. Meclis Reisi siyasiy teşkilât ve devlet organlarınıñ, ticaret ve iş qurumlarnıñ birinci yolbaşçısı olamaz. Bu vazifege saylanğan delegat eki ay içinde yuqarıda qayd etilgen teşkilât yolbaşçılığından azat olmalı.

Meclis Reisi, onıñ yoqluğında ise Reis muavinlerinden biri Meclis reisiniñ avalesine köre:

- Meclis faaliyeti ve onıñ Prezidiumını idare ete;

- devlet içinde ve yurt tışında Meclisni temsil ete:

- Meclis adından añlaşmalarnı imzalay ve söyleşüvlerni alıp bara:

- emir bere:

- öz vekâletlikleri çerçivesinde Meclisniñ azalarına ve diger şahıslarğa ayrıca vazifeler bere:

- Meclis tarafından oña berilgen diger vekâletliklerni eda ete.


ÇUBAROV Refat

 

 


Mecliste, cumhuriyet ve devlet qurumlarındaki vazifesi:

Qırımtatar Milliy Meclisiniñ reisi;

Dünya Qırımtatarlar kongressiniñ Prezidenti;

Qırım Muhtar Cumhuriyeti Yuqarı Şurasınıñ deputatı,

Qırım Yuqarı Şurasında "Qurultay-Ruh" fraktsiyasınıñ başı.

Tercimeiyalı

1957 senesi sentâbr 22-de Özbekistannıñ Samarqand şeerinde doğdı.
Aliy malümatlı.
Evli

Bağlanuv

adresi: Aqmescit şeeri, Şmidt soqağı, 2;
iş telefonı: 27-21-10, 27-35-26;
elektron adresi:

Sayt HCİ (IRI) www.iri.org ve "Fond rozvitku Krimu" Hayriye Teşkilâtınıñ www.cdf.org.ua qoltutuvında açıldı. Adres: Qırım MC, Simferopol ş., Şmidt soqağı, 2; Tel.: 27-35-26  © 2011 QTMM.ORG All rights reserved.