Haberler

Elvida, OCA...! 29 ilk yaz ayı 2018 senesi

 

Belli oca ve maarifçi, şair ve üstaz SEYRAN USEIN 81 yaşında vefat etti.

Qırımtatar cemaatçılığı büyük ğayıpqa oğradı - qayğılı haber sebebinden milletimizge taziye bildiremiz...

SEYRAN OCA Aluştağa yaqın KÖRBEK köyünde 19 mart 1938 s. doğdı. Sürgünlik yıllarını Özbekistanda Fergana vilâyetinde keçirdi. Milliy tasil ve Milliy areket meseleleri - onıñ omür tarzına çevirildi. Bu yönelişte o büyük ğayretnen çalıştı. Ocaliq etti, halq areketine qoşulıp faydalı işlernen tanıldı. Qırımğa avdet olqan soñ ise milliy tasil ve maarifimiz yolunda fedakârca calışqanlardan biri oldu. Yüzlernen şegirtlerge üstazliq etti, olarnen beraber kitap, derslik ve metodik qullanmalar yazdi. İlmiy araştırmalarnıñ devamı olaraq - büyük kolemde çeşit ve ğayet zarur olqan luğatlarnı neşir etti. Bala şairi olaraq çeşit meraqli ve dülber kitapçıqlar bağişladı...

Milliy areket ve Milliy Qurultay faaliyetinde de til-tasil, terbiye ve yañi nesilnen bağlı yönelişlerde çoq semereli çalıştı...

Bu yıl SEYRAN OCA 80-nci yaşını qayd etkende "daa yapılacaq işler ğayet çoq", - degen edi...

İnşallah Siziñ maqsadlarıñıznı talebe ve şegirtler büyük şerefnen devam eter ve ettirirler...

 

ALLAH RAHMET EYLESİN!

RUHUÑIZ ŞAD OLSUN, SEYRAN OCA!

QIRIMTATAR MİLLİY MECLİS AZALARI

Kiev, 29.06.2018

Sayt HCİ (IRI) www.iri.org ve "Fond rozvitku Krimu" Hayriye Teşkilâtınıñ www.cdf.org.ua qoltutuvında açıldı. Adres: Qırım MC, Simferopol ş., Şmidt soqağı, 2; Tel.: 27-35-26  © 2011 QTMM.ORG All rights reserved.