Haberler

Czech Cumhuriyetiniñ Tış işleri nazirniñ muavini Jakub Dürr ile körüşüv 11 orta küz ayı 2017 senesi

Bugün Praha şeerinde Qırımtatar Milliy Meclisniñ reisi Refat Çubarov ile Czech Cumhuriyetiniñ Tış işleri nazirniñ muavini Jakub Dürr ile körüşüv olıp keçti. Tedbir esnasında Jakub Dürr, qırımtatar halqı öz aq-uquqlarını qorçalamaq içün işğal etilgen Qırımda alıp barğan mucadeleni tolusınen desteklegenini bildirdi ve Czech Cumhuriyeti olaraq qırımtatar halqına kerekli yardımnı bermege azır olğanını beyan etti. O ayrıca şunı qayd etti ki, Czech Cumhuriyeti, halqara qanunları çerçevesinde Ukrayinanıñ topraq bütünligine tamamı ile qol tutmaqta. Jakub Dürr, işğal etilgen topraqlar, şu cümleden Qırım Muhtar Cumhuriyeti, Ukrayinanıñ nezareti altına qaytmağance, işke tüşürülgen sanktsiyalarnı devam etmege kerek olğanını bildirdi.

 

Sayt HCİ (IRI) www.iri.org ve "Fond rozvitku Krimu" Hayriye Teşkilâtınıñ www.cdf.org.ua qoltutuvında açıldı. Adres: Qırım MC, Simferopol ş., Şmidt soqağı, 2; Tel.: 27-35-26  © 2011 QTMM.ORG All rights reserved.