Haberler

Türkiye Cumhuriyeti prezidenti Recep Tayip Erdoğannıñ Ukrayinağa resmiy ziyareti 09 orta küz ayı 2017 senesi
 
 

Oktâbr 9 bazarertesi künü, Ukrayinağa resmiy ziyaret ile Türkiye Cumhuriyeti prezidenti Recep Tayip Erdoğan kelmekte. Ziyaret esnasında Ukrayina ve Türkiye arasındaki Aliy strategik şurasınıñ altıncı oturışı olıp keçecek. 

Taraflar "bütün strategik yönelişlerde eki taraflı munasebetni terenleştirüv yolları"nı ve regional havfsızlıq ile halqara barışıqlıq kibi mevzularnı muzakere etecekler. 

Aynı vaqıtta ziyaret devamında Türkiye cumhurbaşqanı, qırımtatar halqınıñ yetekçisi Mustafa Cemilev, Qırımtatar Milliy Meclisniñ azaları ve qırımtatar faalcileri ile körüşüvi közde tutula. 

Bunıñnen beraber Türk prezidentiniñ resmiy saytında, qırımtatar halqınıñ vaziyeti ve "Qırım meselesi" baqılacaq, degen malümat yer aldı

Türkiye cumhurbaşqanı Recep Tayip Erdoğan ve Mustafa Cemilev arasında bu körüşüv yılnıñ başından endi ekinci olacaq. Evelki körüşüv iyül aynıñ 4-nde Ankarada keçirilgen edi. 

Sayt HCİ (IRI) www.iri.org ve "Fond rozvitku Krimu" Hayriye Teşkilâtınıñ www.cdf.org.ua qoltutuvında açıldı. Adres: Qırım MC, Simferopol ş., Şmidt soqağı, 2; Tel.: 27-35-26  © 2011 QTMM.ORG All rights reserved.