Haberler

Qurban bayram tedbirleri 31 arman ayı 2017 senesi

Bayramıñız mübarek olsun! 

Qırım musulmanları Müftüligi ve Qırımtatar Milli Meclisi sizlerni Kyivde Qurban bayram namazına davet eteler. Namaz sentâbr 1 künü, Smolenskaya, 31-33 adresi boyunca "İnkom" iş merkezi binasınıñ 2-nci qatındaki konferents zalda keçirilecek. Zal erkekler ve qadınlar içün eki qısımğa ayrılacaq. Qapılarımız saat yedi buçuktan başlap açıq olacaq. Saat sekizde bayram namazı qılınıp, artından bayram hutbesi oqulacaq. 
 
Aynı zamanda Qırım musulmanları Müftüligi ve Qırımtatar Milli Meclisi, Ukrayina musulmanları Birleşmesi ile UTSDK cemaat teşkilâtınıñ desteginen sentâbr 2 künü Kyivde bayram munasebetinen şeñlik merasimini keçirecekler. Bayramlaşuv VDNH merkezinde olıp keçecek. 
 
Resmiy şahıslarnıñ çıqışları, qırımtatar aşları, tatlılar, qadınlar, erkekler ve balalar içün yarışmalar ve viktorinalar, ve, elbette, bahşışlar - bularnıñ episi sizlerni saat 11:00 ile 17:00 arasında bekleycek. 
 
Qaçırmañız!
 
Yolnıñ haritasını shemadan baqabilesiñiz. VDNH merkezniñ ögünde arabalar içün park yeri bar. Metro vastasınen kelecek olsañız, "Vistavkoviy tsentr" turağında çıqmaq kerek. 
 

Erkesni davet etemiz!

Sayt HCİ (IRI) www.iri.org ve "Fond rozvitku Krimu" Hayriye Teşkilâtınıñ www.cdf.org.ua qoltutuvında açıldı. Adres: Qırım MC, Simferopol ş., Şmidt soqağı, 2; Tel.: 27-35-26  © 2011 QTMM.ORG All rights reserved.