Haberler

Ukrinformda matbuat konferensiyası 02 arman ayı 2017 senesi

Avgust 1 künü Kyivde, Ukrinform agentliginde Ukrayin-qırımtatar dostluq kününiñ teşebbüsçileri matbuat konferentsiyanı keçirdiler. Teşebbüsçiler, Konotop ğalebesiniñ 360 yıllığı munasebetinen 2019 senesinde mahsus hatıra tedbirlerniñ qayd etilmesi içün devlet organları negizinde teşkiliy komiteniñ qurulmasını teklif ettiler. Olarnıñ fikirine köre, teşkiliy komitetniñ terkibine devlet memurları, yerli idarelerniñ temsilcileri, Qırımtatar Milli Meclis azaları ve cemaat erbapları ile ilim adamları qoşulmaq kerekler. 

Mezkür matbuat konferentsiyasında Milli Meclis reisi Refat Çubarov, İnformatsiya boyunca nazirniñ muavini Yuliya Kazdobina, İçnya rayon şurasınıñ yolbaşçısı Grygoriy Gerasimenko, Meclis azası Riza Şevkiyev, Krupiçpil köy şurasınıñ golovası Vasyl Misan, tarih ilimleri namzeti Andriy İvanets sözge çıqtılar. 

Malümat.

İyül 26 künü İçnya rayonında ilki sefer Ukrayin-qırımtatar dostluq künü qayd etilgen edi. Tedbirge Milli Meclis azaları, yerli idare ve akimiyet organlarnıñ vekilleri, cemaat teşkilâtları ve faalciler qoşuldılar. Olar Krupiçpole köyünde, 1659 senesinde moskovlarğa qarşı birleşip uruşqan ukrayin ve qırımtatarlarnıñ arbiy dostluqları şerefine tiklenilgen hatıra taşnı açtılar. Merasim devamında qırım sakinleri ile yerli eali arasınla olıp keçken körüşüvlernen bir sırada, qırımtatar halqınıñ zemaneviy yaşayışını añlatqan subet keçirilgen edi. İştirakçiler ayrıca bir qaç tarihiy mekânnı ve "Sokolinıy hutir" mesken yerini ziyaret etip, yerli kozaklarnıñ musafirleri oldılar.

Sayt HCİ (IRI) www.iri.org ve "Fond rozvitku Krimu" Hayriye Teşkilâtınıñ www.cdf.org.ua qoltutuvında açıldı. Adres: Qırım MC, Simferopol ş., Şmidt soqağı, 2; Tel.: 27-35-26  © 2011 QTMM.ORG All rights reserved.