Haberler

Hatıra taşnıñ açıluvı 27 oraq ayı 2017 senesi

İyül 26 künü, hetman İvan Vyhovskyı ve Qırım hanı IV Muhammed Geraynıñ arbiy ittifaqına bağışlanğan hatıra taşı tiklenildi. Çernihiv vilayetiniñ İçnanskyı rayonı Krupiçpole köyünde 1659 yılında eki ordu birleşiıp Konotop muarebesi olacaq yerge areket etken ediler.

Tedbirge Qırımtatar Milli Meclis azaları Riza Şevkiyev, Gayana Yüksel, Eskender Bariyev, meşur tarihçılar Gulnara Abdullayeva, Andriy İvanets, Yüriy Kosenko qoşuldılar. Musafirlerni İçnanskiy rayonnıñ reberleri, kozak teşkilatlarnıñ vekilleri ve yerli eali qarşılap aldılar.

Taş üstünde eki tilde, ukrayince ve qırımtatarca yazılğan levhada şu satırlar yer aldı:

“1659 yılnıñ iyül ayında Krupiçpole köyünde hetman İvan Vyhovskyı ve Qırım hanı IV Muhammed Sofu Geray hannıñ orduları birleşip Konotopqa yol aldılar. Ukrayin-Qırımtatar arbiy qardaşlığı sayesinde Konotop muarebesinde moskov basqıncıları üzerinde ğalebe elde etildi”

 

foto QHA

Sayt HCİ (IRI) www.iri.org ve "Fond rozvitku Krimu" Hayriye Teşkilâtınıñ www.cdf.org.ua qoltutuvında açıldı. Adres: Qırım MC, Simferopol ş., Şmidt soqağı, 2; Tel.: 27-35-26  © 2011 QTMM.ORG All rights reserved.