Haberler

Milli Meclis reisiniñ NATO ve OBSEC çalışmalarında iştirak etüvi 04 oraq ayı 2017 senesi
İyül 4 künü Qırımtatar Milli Meclisniñ reisi Refat Çubarov NATO Parlament assambleyasınıñ yolbaşçıları ve azaları ögünde çıqışta bulundı. Mezkür teşkilâtnıñ vekilleri Qırımda insan aq-uquqlarnıñ vaziyetini muzakere etmek maqsadınen Kyivde toplandılar. Öz çıqışında Refat Çubarov, istilâcını tınçlandırma siyasetiniñ maqbul olmağanını urğuladı. Bunnen beraber Meclis reisi, Qırımnı azat etmek ve andaki vatandaşlarnıñ aq-uquqlarına qarşı basqını toqtatmaq içün tesir etici tazıyıq usullarnı tatbiq etmege çağırdı. 
 
Aynı bugün Meclis reisi, Qaradeñiz iqtisadiy işbirligi teşkilâtı (OBSEC) Parlament birleşmesiniñ çalışmalarına qoşulmaq maqsadınen İstanbulğa yol aldı. Eki künlük, iyül 5-6 künlerinde olıp keçecek sessiya devamında, birleşmeniñ azaları Qaradeñiz bölgesiniñ kündelik mevzularını muzakere etecekler. Bu seferki toplaşuvda nevbetçi yolbaşçı vazifesiniñ ise Ukrayinağa berilecegini ayrıca qayd etmek kerek. 

Sayt HCİ (IRI) www.iri.org ve "Fond rozvitku Krimu" Hayriye Teşkilâtınıñ www.cdf.org.ua qoltutuvında açıldı. Adres: Qırım MC, Simferopol ş., Şmidt soqağı, 2; Tel.: 27-35-26  © 2011 QTMM.ORG All rights reserved.