Haberler

Kyivde iftar aqşamı 20 ilk yaz ayı 2017 senesi

İyün 19 künü Kyiv şeerinde, Qırımtatar Milli Meclisi tarafından teşkil etilgen ananeviy iftar merasimi keçirildi. "Musafir" restoranında olıp keçken iftarğa qırımtatar siyasetçileri ve cemaat erbaplarınen bir sırada, ziyalılar, iş adamları, devlet memurları ve sanatçılar da davet etildiler. İftarnı aqşam ezanı ve dua ile Qırım musulmanlarnıñ Müftisi Ayder Rustemov açtı. Öz çıqışında o, Ramazan aynıñ, Qadır gecesiniñ ve orazanıñ qıymetlerini añlattı. Ayrıca, Qırımda yaşağan semetdeşlerimizniñ vaziyeti ve, hususan, işğalci akimiyet tarafından aqsız sürette apishanelerge qapatılğan vatandaşlarımız da añıldı. Ğayet samimiy ve sıcaq müitte olıp keçken tedbir devamında musafirler, öz diniy vazifelerini yerine ketirmeknen beraber kendi aralarında subetleşüv ve fikir paylaşuv imkânını da buldılar.

Sayt HCİ (IRI) www.iri.org ve "Fond rozvitku Krimu" Hayriye Teşkilâtınıñ www.cdf.org.ua qoltutuvında açıldı. Adres: Qırım MC, Simferopol ş., Şmidt soqağı, 2; Tel.: 27-35-26  © 2011 QTMM.ORG All rights reserved.