Haberler

Qırım özgün dülberliginiñ yekâne raqiplerine 06 saban ayı 2015 senesi

Qıymetli qadın­-qızlarımız, dünya boyunca eñ aziz bizim analar ve bitalar!

Sizde olğan, sizde körgen güzellikke suqlanıp, onı tez­-tez özüne çekip almağa ve qullanmağa tırışqan şaşma Baar, ne ise, yarımadamızğa keniş adımlar ata başladı ve bütün şimdigece boysundırğan tabiatnı da endi tek sizge oşattırmaq peşinde.

Vatanımız Qırımnıñ eñ doğru, eñ acayıp ve tarihiy­-maneviy ceetten eñ aqiqiy saibeleri, onıñ tekrarlanmaz dülberliginiñ yekâne raqipleri, şübesiz, sizsiz, bizim nazik, aqıllı ve cesür qadın-­qızlar!

Allah Taalâ sizni bu güzellik, saibelik raqiplikten ayırmasın em de sağlıq­-selâmetlik, qadın­-ana bahtı, ocağ-­sofra bereketinden ve qoranta­-cemaat quvançından iç bir vaqıt ayırmasın!

 

Milliy Meclis azaları.

Sayt HCİ (IRI) www.iri.org ve "Fond rozvitku Krimu" Hayriye Teşkilâtınıñ www.cdf.org.ua qoltutuvında açıldı. Adres: Qırım MC, Simferopol ş., Şmidt soqağı, 2; Tel.: 27-35-26  © 2011 QTMM.ORG All rights reserved.