«QIRIM» FONDI» HAYRİYE TEŞKİLÂTI

 

"QIRIM" FONDI" HAYRİYE TEŞKİLÂTI  – kelirsiz, milliy-medeniy, hayriye ve uquqqoruyıcı teşkilât (Qırımtatar halqı Qurultayı tarafından tesis etilip, 1992 senesi yanvar 21-de cedvelge alındı.).

 

Fondnıñ adı:

- ukrain tilinde: Blagodіyna organіzatsіâ "FOND "KRİM"

- qırımtatar tilinde: "QIRIM" FONDU" Hayriye teşkilâtı

- rus tilinde: Blagotvoritelnaya organizatsiya "FOND "KRIM"

- ingliz tilinde: Charitable organization "FOND "CRIMEA"

 

Yuridik adresi: 95001, Ukraina, Qırım MC, Aqmescit ş., Jidkov soqağı, 40

Poçta adresi:  95017, Ukraina, Qırım MC, Aqmescit ş., Şmidt/Naberejnaya soqağı, 2/27

 

"QIRIM" FONDU" Hayriye teşkilâtınıñ prezidenti - Mustafa Cemilev

tel./faks:  + 3 8 0652 27 35 26
e-mail:     meclis.org@gmail.com

 

"QIRIM" FONDU" Hayriye teşkilâtınıñ baş direktorı - Riza Şevqiyev

tel./faks: +38 (0652) 27-43-72
mob.:      +38 (050) 324-17-70
   e-mail:    kirim-fonu@ukr.net

 

"QIRIM" FONDU" Hayriye teşkilâtınıñ baş maqsadı qırımtatar halqı ve sürgün etilgen diger insanlarnıñ Qırımğa qaytuvı, yerleştirilüvinen bağlı problemlerniñ çezilmesine yardım etmektir. Bu ise aşağıdaki meselelerniñ çezimi sayesinde amelge keçirile:

- qırımtatarlar ve diger sürgün etilgenlerniñ tili, medeniyeti, milliy añı, urf-adetleri, iqtisadiy ve maneviy ayatınıñ inkişafını teminlegen tedbirlerni ötkerüv;

- yardımğa muhtac insanlarnıñ sotsial-iqtisadiy alını yahşılaştıruvğa doğrultılğan umumdevlet, regional, maalliy ve halqara programmalarnıñ amelye keçirilmesine qoltutuv;

- hayriye yardım alğanlarnıñ içtimaiy-iqtisadiy vaziyeti yahşılaştırılmasına doğrultılğan hayriye faaliyetinen oğraşuv, yardımğa muhtac, işsiz, saqat ve diger insanlarğa, bunıñ kibi de sağlığı zayıflığı sebebinden öz qanuniy aqları ve menfaatlarını qorçalap olamağan şahıslarğa yardım etüv;

- qırımtatarlar ve diger repatriantlarnıñ yerleştirilmesine yardım etüv boyunca faaliyet alıp baruv;

- tabiat afatları, ekologik, tehnikiy ve diger qazalar aqibetinde, içtimaiy davalar, felâket neticesinde zarar körgenlerge ve bunıñ kibi de repressiya qurbanlarına, qaçaqlarğa yardım berüv;

- ilim ve tasilniñ inkişafına, ilmiy-tasil programmalarnıñ amelge keçirilmesine qoltutuv, ocalar, alimler, student ve talebelerge yardım berüv;

- medeniyet inkişafına, şu cümleden milliy-medeniy inkişaf programmalarnıñ amelge keçirilmesine, medeniy degerliklerge ve bediiy icatqa ealiniñ bütün tabaqalarını, bilhassa muhtac insanlarnıñ celp etilmesine yardım berüv;

- istidatlı icatkâr gençlerge, yaşlar teşkilâtlarına yardım, şu cümleden maddiy yardım kösterüv;

- medeniy asabalıqnı, tarihiy-medeniy müit, tarih ve medeniyet yadikârlıqlarını, mezarlıqlarnıñ qorulması ve saqlap qalınmasına yardım etüv;

-tabiiy qoruq fondı ve tabiatnı qorçalav işiniñ, sağlıqnı saqlav, kütleviy beden terbiyesi, sport ve turizm inkişafına qoltutuv, sağlam ömür tarzını teşviq etüv, ealige tibbiy yardım kösterilmesinde ve hasta, saqat, yañğız, ihtiyar insanlarğa, angileri ki maddiy, cismaniy ve diger hususiyetleri sebebinden sotsial yardımğa muhtac adamlarğa baqqanlarğa qoltutuvda kelir almadan iştirak etüv;

- sağlıqnı saqlav, analar ve balalarğa yardım berüv boyunca tedbirler keçirüv, muhtac ve çoqbalalı ailelerge, beden medeniyeti inkişafına kelir almadan yardım kösterüv;

- Qırım tabiatı ve ekologik vaziyetiniñ eyileşmesine doğrultılğan tedbirlerni keçirmege qoltutuv;

- insanlarnıñ raatlığını teşkil etüv, eglenceli ve kütleviy tedbirler, sağlamlaştıruv ve ülkeşınaslıq faaliyetini kelir almadan keçirüv;

- informatsion ve neşircilik faaliyetini kelir almadan keçirüv;

- kelir almadan yuridik ve diger yardımlar kösterüv;

-Fondnıñ maqsadlarına bağışlamalar toplav;

- halqara añlaşmalarnıñ şartlarına köre, taqdim etilmesine Ukraina Yuqarı Şurası tarafından izin berilgen gumanitar yardım aluv;

- Fondğa yardım bermege istegen ve faaliyetleriniñ yönelişleri Fondnıñ nizamnamesindeki vazifelerine uyğun kelgen halqara, bütünukrain ve yerli teşkilâtlarnen alâqalar qurmaq, şu teşkilâtlarnıñ vekilleri ve çetelli grajdanlarnı davet etüv ve qabul etüv.

 

QIRIM" FONDU" Hayriye teşkilâtı zarur olğanda öz meselelerini devlet organları, bunıñ kibi de diger yuridik ve hususiy şahıslar, şu cümleden çetel ve halqara teşkilâtlarnen işbirlikte al ete.

Öz faaliyetinde QIRIM" FONDU" Hayriye teşkilâtı Nizamname, Ukrainanıñ "Hayırseverlik ve hayriye teşkilâtları aqqında" Qanunı ve diger normativ dokumentlerge riayet ete.


 

Ukraina vatandaşları ve teşkilâtları içün rekvizitlerimiz:

Alıcı: "QIRIM" FONDU" Hayriye teşkilâtı

 

"Tölev maqsadı" degen yerde şunı qayd etmek şart:

- teşkilâtnıñ nizamname faaliyeti içün hayriye ödeme;
- keri qaytarılmaycaq maddiy yardım;
- göñülli bağışlama.

 

Çetelli vatandaşlar ve teşkilâtlar içün rekvizitlerimiz:

 

Beneficiary:                          

Beneficiary:                        

Correspondent Bank:        

Setting of payment:              irretrievable financial help

Sayt HCİ (IRI) www.iri.org ve "Fond rozvitku Krimu" Hayriye Teşkilâtınıñ www.cdf.org.ua qoltutuvında açıldı. Adres: Qırım MC, Simferopol ş., Şmidt soqağı, 2; Tel.: 27-35-26  © 2011 QTMM.ORG All rights reserved.