Qırımtatar halqı Qurultayı Merkeziy saylav komissiyasınıñ №1 QARARI. 2013 s. yanvar 18

 

Qırımtatar halqı Qurultayı Merkeziy saylav komissiyasınıñ
№1 QARARI

 

"Qırımtatar halqı Qurultayı Merkeziy saylav komissiyası reisiniñ muavini ve kâtibi aqqında"
 

2013 senesi yanvar 18                                                                                                                       Aqmescit ş.
              

Qırımtatar halqı Qurultayınıñ 2013 senesi yanvar 12-de "Qırımtatar halqı Qurultayı Merkeziy saylav komissiyasınıñ erkânı aqqında" alğan qararına muvafıq Qırımtatar halqı Qurultayı Merkeziy saylav komissiyasınıñ erkânı tizildi.

Qurultay sessiyasında Komissiyanıñ reisi olaraq Zair Smedlâyev, azaları olaraq Leman Abdurahmanov, Dilâver Ablayev, Refat Adilseitov, Nadir Qaramanov, Mediha Mambetova, Nazim Memetov, Aziz Üseinov, Zamir Haybullayev saylandılar.

"Qırımtatar halqı Qurultayınıñ delegatlarını saylav nizamı"nıñ 16-ncı maddesine binaen mezkür Qarar ile saylav iştirakçileri olğan qırımtatar siyasiy ve cemaat teşkilâtları ve bloklarına 2013 senesi yanvar 16-ğa qadar Merkeziy komissiyanıñ erkânına aza olaraq birer vekilini yollamaqnı teklif etti.

Saylavda iştirak etecek cemi siyasiy ve cemaat teşkilâtları Qurultaynıñ qararını belgilengen müddette becerdiler. Böyleliknen, "Avdet" cemaat teşkilâtı İsmail Ablâtipovnı, "Maarifçi" birleşmesi Revziye Ametşayevanı, "Milliy haq" saylav blokı Seyran Bilâlovnı, "Azatlıq" blokı - Alim Zeytulayevnı, "Adalet" qırımtatar milliy partiyası – Eldar Bektemirovnı, Qırımtatar halqı milliy areket teşkilâtı – İzet İzedinovnı, Qırımtatar qadınlar birligi – Lütfiye Seythalilovanı, Qırımtatar yaşlar merkezi – Aliye Fukalanı komissiya azaları olaraq tayinlediler.

"Qırımtatar halqı Qurultayınıñ delegatlarını saylav nizamı"nıñ 16-ncı maddesine esaslanaraq

Merkeziy saylav komissiya qarar bere:

1. Merkeziy saylav komissiya reisiniñ muavini olaraq Nazim Memetov tasdiqlansın.

2. Merkeziy saylav komissiyasınıñ kâtibi olaraq Alim Zeytulayev tasdiqlansın


Merkeziy saylav komissiyasınıñ reisi Zair Smedlâyev

Merkeziy saylav komissiyasınıñ kâtibi Alim Zeytulayev

 

№ 1/18.01.2013

Sayt HCİ (IRI) www.iri.org ve "Fond rozvitku Krimu" Hayriye Teşkilâtınıñ www.cdf.org.ua qoltutuvında açıldı. Adres: Qırım MC, Simferopol ş., Şmidt soqağı, 2; Tel.: 27-35-26  © 2011 QTMM.ORG All rights reserved.